Ensambo 16:21 - Baibuli Ekibono kya Katonda 2014

²¹ Omuntu omugezi bamweta mutegeevu, era olw'ebibono bye ebikalamu aikirizisa abantu.

Ensambo 16:21 ပူးပေါင်းရင်းမြစ်များ

1 Bakyabazinga 3:12

kale ky'osabye nkikughaire. Era bona eno, nkughaire amagezi n'okutegeera, ebisinga omuntu owundi yeenayeena ku abo abaakusookayo bye yaali afunie, era ebisinga omuntu owundi yeenayeena ku abo abalikwiririra, by'alifuna.

Zabbuli 45:2

Iwe osinga abasaadha abandi boonaboona abali ku nsi obulungi. Bw'oyogera ghazira ayenda olekere, olw'ekyo Katonda yakugha enkabi edhitaja kukuvaaku.

Ensambo 10:13

Ebibono eby'omuntu ali n'okutegeera bibaamu amagezi, aye omuntu aziramu kategeera agwana kukubwa lwigo.

Ensambo 10:23

Okukola ebibi kuli ng'oti muzaanho buzaanho eri omusiru, aye okukola eby'amagezi n'ekisanhusa omuntu ali n'okutegeera.

Ensambo 10:8

Abantu abali n'okutegeera bawulira bye babalagira, aye abaziramu kategeera bazikirira.

Ensambo 15:7

Abagezi bye boogera bibunisa okumanha mu bantu, aye abasiru tibakola batyo.

Ensambo 16:22

Amagezi eri abagezi gali ng'oti nsulo ereeta obulamu, ate obusiru bwaba kibonerezo eri abasiru.

Ensambo 23:15

Mwana wange, bw'oba omugezi zeena nsangaala.

Ensambo 27:9

Ebizigo n'obuwoowo obwesiigibwa bisangaaza omuntu, aye ebizibu bimuleetera okweinhamira.

Omulangirizi 12:10

Yakozesanga ebibono ebinhoonha, aye nga by'aghandiika bituufu era nga bya mazima.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Luka 4:22

Boonaboona baasiima era beewuunhia inho ebibono ebiwoomu ebyali bimuvaamu, era baakoba bati: “Ono ti n'omwana wa Yosefu?”

Yoanne 7:46

Abakuumi babairamu bati: “Tebangayo ku muntu eyaali ayogeire ng'oti n'omusaadha oyo!”

Ab'e Roma 16:19

Kuba obuwulize bwaimwe mu kugondera Amawulire Amalungi bumanhiibwa woonawoona, era kyenva nsangaala ku lwaimwe. Nhenda mubenga bagezi mu kukola ekikalamu aye nga timwidhi kukola kibi.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.