Ensambo 16:20 - Baibuli Ekibono kya Katonda 2014

²⁰ Omuntu omwegendereza mu buli kintu, ebintu biidha kumujiiranga bukalamu, era wa nkabi oyo eyeesiga Musengwa Katonda.

Ensambo 16:20 ပူးပေါင်းရင်းမြစ်များ

1 Ebyomubyanda 5:20

Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 146:5

Yeesiimye oyo ayambibwa Katonda wa Yakobo, era n'asuubirira mu Musengwa Katonda nga ni Katonda we.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Zabbuli 32:10

Ebizibu ebiidhira ababi biri kamaala, aye Musengwa Katonda agonza abo abamwesiga n'okugonza okutakoma.

Zabbuli 34:8

Mwidhe mubone Musengwa Katonda nga bw'ali omulungi! Ba nkabi abo abamwesiga!

Ensambo 13:13

Ole anhooma okugalagirwa yeereetera mwene okuzikirira, aye ole agondera ekiragiro aligheebwa empeera.

Ensambo 13:15

Omuntu ali n'okutetenkania, abantu bamwenda, aye ole ateesigika azikirira.

Ensambo 17:2

Omugheereza akola emirimo obukalamu alifuga omwana waagho akola ebiswaza, era alifuna omugabo ogw'obusika.

Ensambo 19:8

Omuntu afuna amagezi yeerabirira; oyo agema by'ayeze, ebintu bimujiira bukalamu.

Ensambo 8:35

Abo abandhagala ni banzuula bafuna obulamu, era Musengwa Katonda abasanhukira.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Danieli 6:23

Agho kyabazinga yaasangaala ebitaloodheka era yaalagira batoole Danieli mu kiina omwali empologoma. Kale baamutoolayo mu kiina ekyo nga ghazira kabi koonakoona kamutuuseeku, kuba yeesiga Katonda we.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.