Ensambo 15:27 - Baibuli Ekibono kya Katonda 2014

²⁷ Omuntu alulunkanira okufuna amagoba mu kukupankupania aleetera ab'omu maka ge ebizibu, aye ole akyagha enguzi aghangaala.

Ensambo 15:27 ပူးပေါင်းရင်းမြစ်များ

1 Bakyabazinga 2:40

Shimei yaasituka, yaatyama ku ndogoyi ye, yaaja e Gathi ewa Akishi okunoonia abairu be. Bwe yatuukayo, yaabatoolayo.

2 Bakyabazinga 5:27

Kale ni endwaire ey'ebigenge eya Naamani eidha kukugema, era egemenga n'ab'eizaire lyo ebyanda n'ebyanda.” Gehazi yaja okuva aghaali Elisha ng'ali n'endwaire ey'ebigenge, nga mweru ng'oti mugozi.

Zabbuli 15:5

Bw'awola empiiya tasuubira magoba, era ole tasobola kumugula kulumiriza muntu aziraku musango. Omuntu ng'oti n'oyo ghazira kisobola kumutengeesa.

Okuvaayo 18:21

Era linga mu bantu boonaboona obone abantu abali n'obusobozi, abatya Katonda, abeesigwa era abatenda kulya nguzi. Olondemu abasobola okukulembera abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Okuvaayo 23:8

“Otalyanga nguzi, kuba enguzi eziba abantu amaiso era yaafuulaniafuulania ensonga dh'oyo omutuufu.

Ensambo 1:19

Ebyo n'ebituuka ku abo boonaboona abafuna obukombe mu kunhaga; mu bukombe bwene obwo n'omuva ekibaita.

Ensambo 11:19

Ole eyeekalangulira ku butuufu aghangaala, aye ole ajiira ku kukola ebibi yeita mwene.

Ensambo 11:29

Ole adaazadaaza ab'endhu ye azira mugabo gw'alisikira. N'omusiru aidha kubanga mugheereza wa mugezi.

Ensambo 15:26

Musengwa Katonda yeenhinhata ebidhuubo ebibi, aye asangaalira ebibono ebirungi.

Ensambo 20:21

Obukombe omuntu bw'asikira obusikire nga tabukolereire, tibutera kubangamu mukisa ku nkomerero.

Ensambo 23:4

Oteekanulanga olw'okwenda okufuna obukombe, banga mugezi ng'obalirira obulamu bwo.

Ensambo 28:16

Omufuzi aziramu kategeera anhigiriza b'afuga n'obukambwe, aye ole akyagha amagoba agava mu kukupankupania aghangaala.

Ensambo 28:25

Omuntu eyeeyendeza buli kintu asiikuula okusoola mu bantu, aye ole eyeesiga Musengwa Katonda aligheebwa obukombe.

Ensambo 29:4

Kyabazinga ajiira ku kukola amazima aleetera ensi ye okuba emiraala, aye ole ayenda enguzi buli kiseera aitaitana ensi.

Yeremia 17:11

Omuntu afuna eby'obukombe mu bukupankupania, aba ng'oti n'enhonhi egonera amagi g'etaabiika; kuba eby'obukombe ebyo bimuwaaku mangu ng'akaali na kukairigha, olwo ku nkomerero ya byonabyona yaasigala agho nga musiru.

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.

Amateeka Agokubiri 7:26

Mutaleetanga waire ekirala ku bisinzibwa ebyo ebitali Katonda, mu ndhu dhaimwe, olwo mulobe kwereetaku kikolimo kya Musengwa Katonda ekibiriku. Ebisinzibwa ebitali Katonda ebyo mubikyayirenga irala era mubyesambenga, kuba Musengwa Katonda yabikolimira. ”

1 Timotheo 6:10

Kuba okwenda einho empiiya, n'ekikolo okusibuka ebibi byonabyona. Era okuba n'amairu gaadho amangi kuleeteire abandi okudaaliima n'okuva ku kwikiriza, beereetera okudaagadaaga okw'amaani.

1 Timotheo 6:9

Aye abo abenda okukombaghala tibalwa kukemebwa ni bagwa mu mutego ogw'amairu amangi ag'obusirusiru, ag'akabi era agasuula abantu mu kufafaagana ni mu kuzikirira.

Yoshua 6:18

Ghatabaagho ku imwe atwala kintu kyonakyona ku ebyo ebiri n'okuzikirizibwa bwe ghanaabaagho anaakikola anaaba aleese obuzibu n'okuzikirira mu ife.

1 Samueli 12:3

Ndi ghano, mpegaano muunumirize mu maiso ga Musengwa Katonda ni mu maiso ga kyabazinga ye yasiiga omuzigo. Naani ye nanhagaku ente ye? Oba naani ye nanhagaku endogoyi ye? Naani ye nakupankupaniaku oba waire okumutetenkereza mu kintu kyonakyona? Oba naani ye nalyakuuku enguzi? Bwe mba nga ghaligho ku ebyo kye nakola, muunumirize, ndidha kukibairizaagho.”