Ensambo 15:21 - Baibuli Ekibono kya Katonda 2014

²¹ Omuntu aziramu kutegeera asangaalira obusiru, aye omutegeevu akola ebyo ebituufu.

Ensambo 15:21 ပူးပေါင်းရင်းမြစ်များ

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Ensambo 10:23

Okukola ebibi kuli ng'oti muzaanho buzaanho eri omusiru, aye okukola eby'amagezi n'ekisanhusa omuntu ali n'okutegeera.

Ensambo 11:12

Ole anhooma baine aba aziramu kategeera, aye ali n'okutegeera asirika busirike.

Ensambo 14:16

Omugezi asooka kwekengeera era yeesamba ebizibu, aye omusiru aghalambuka bughalambuke nga tafaayo.

Ensambo 14:8

Amagezi ag'omutegeevu gamuleetera okumanha eky'okukola, aye obusiru obw'abasiru bubaleetera kwerimba.

Ensambo 14:9

Abasiru tibafaayo nga bakoze ebibi, aye abeesimbu Katonda abasanhukira.

Ensambo 15:22

Aghazira bawi ba magezi entegeka dhidobana, aye aghali abaghabuzi kamaala dhituukirira.

Ensambo 4:25

Amaiso galingirizenga mberi y'oli kuja, se ti kugalingirizanga mbali.

Ensambo 4:26

Tegekanga by'oja okukola byonabyona, olwo ghabulenga ekisoba mu byonabyona by'onaakolanga.

Ab'Efeso 5:15

Kale mwegendereze bwe mwebisa mulobe kuba ng'abazira magezi aye mube ng'abagezi.

Yakobo 3:13

Ghaligho mu imwe ali n'amagezi n'okumanha? Kale akakase ekyo nga yeebisa bukalamu mu bulamu bwe, mu bikolwa ebikalamu eby'okwewombeeka n'amagezi.