Ensambo 15:19 - Baibuli Ekibono kya Katonda 2014

¹⁹ Obulamu obw'omugayaavu bwidhula bizibu, aye obw'omwesimbu buba bukalamu era nga bweyagaza.

Ensambo 15:19 ပူးပေါင်းရင်းမြစ်များ

Zabbuli 25:12

Omuntu oyo atya Musengwa Katonda, Musengwa Katonda alimulagirira engira entuufu okugema.

Zabbuli 27:11

Wo Musengwa Katonda, ngalagira bwe mbe neebise, era ombise mu ngira entuufu, kuba ndi n'abazigu.

Zabbuli 5:8

Wo Musengwa Katonda, nkulemberaamu mu ngira ey'obutuufu bwo kuba abazigu ndi na kamaala longoola engira mwe mbe ntambulire.

Ensambo 11:5

Obwesigwa obw'omuntu omwesimbu butereeza obulamu bwe, aye obubi obw'omuntu omubi n'obumugwisa bwene.

Ensambo 15:18

Omuntu asungughala amangu asiikuula okusoola, aye ole alwagho okusungughala amalagho obutaisania.

Ensambo 15:20

Omwana omugezi yeesiimisa ise, aye omuntu omusiru anhooma inhina.

Ensambo 22:13

Omugayaavu yeegemenkereza ng'akoba ati: “Bwe nja kuliya eriyo empologoma.” Kabiri ati: “Baidha kundhitira mu nguudo.”

Ensambo 22:5

Amawa n'emitego biba mu ngira ey'ababi, aye ole ayenda okwekuuma nga mulamu abyesambira irala.

Ensambo 26:13

Omugayaavu yeegemenkereza ng'akoba ati: “Bwe nja mu ngira eriyo empologoma, ni mu nguudo edh'ekibuga yoona eriyo empologoma.”

Ensambo 3:6

Idhukiranga nga Musengwa Katonda ali emberi wo okukugalagira mu byonabyona by'okola, era aidha kukutereekezanga by'okola byonabyona.

Ensambo 6:6

Imwe abagayaavu, muje mubone ebisimizi, mwetegereze bye bikola era mwege.

Ensambo 8:9

Byanguyira ole ategeera era byaba bituufu eri ole ali n'okumanha.

Isaia 30:21

Bwe munaadaalimiranga ku luuyi olw'omukono omusaadha oba ku lw'omugooda, ni muva ku ngira, mwidha kuwuliranga amamiro ge emugongo waimwe nga gabakoba gati: “Eno n'engira ye mube mutambuliremu.”

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 57:14

Musengwa Katonda era akoba ati: “Muteegho oluguudo, muteegho oluguudo mangu, mutegeke abantu bange ghe banaabita. Mutoole ebitimuguunha byonabyona mu ngira y'abantu bange.