Ensambo 15:18 - Baibuli Ekibono kya Katonda 2014

¹⁸ Omuntu asungughala amangu asiikuula okusoola, aye ole alwagho okusungughala amalagho obutaisania.

Ensambo 15:18 ပူးပေါင်းရင်းမြစ်များ

2 Samueli 19:43

Abaisiraeli bairamu bati: “Ife tuli n'obukumu bwa mikuzi kikumi ku bwakyabazinga, okusinga imwe bwe muli nabwo. Era ni Daudi oyo waife inho okusinga bw'ali owaimwe. Kale lwaki mutunhoomerera? Ti niife abaasooka okuleeta ekidhuubo eky'okwiza kyabazinga waife?” Aye ab'omu kika kya Yuda bye baayogera byaba bikambwe okusinga eby'Abaisiraeli.

Ensambo 10:12

Okukyagha kusiikuula entalo, aye okugonza kusonigha ebisobyo byonabyona.

Ensambo 14:29

Omuntu alwagho okusungughala aba mutegeevu mu by'akola, aye ole asungughala amangu akola eby'ekisiru.

Ensambo 15:1

Omuntu airamu nga yeewooya amalagho obusungu, aye ole ayogera n'eikabyo abusiikuula busiikuule.

Ensambo 15:19

Obulamu obw'omugayaavu bwidhula bizibu, aye obw'omwesimbu buba bukalamu era nga bweyagaza.

Ensambo 16:14

Kyabazinga bw'asungughala asobola n'okwita, kale omugezi ky'akola n'okumuwooyawooya.

Ensambo 16:28

Omuntu omudankaanu aleeta okukoodhana mu bantu, era ow'olubono akyaghagania ab'omukago.

Ensambo 22:24

Otakwananga muntu wa busungu, oba okubita n'ole nga mukambwe.

Ensambo 25:15

Omuguminkiriza aikirizisa omufuzi okukola ekintu, n'olulimi olw'okwewooya lwaghangula ebizibu.

Ensambo 26:21

Ng'amanda bwe gakuuma omuliro mu ziiko, n'enku ni dhikuuma omuliro nga gukaayaka, n'omuntu asoolasoola atyo bw'akuuma ebizibu nga bikaaligho.

Ensambo 28:25

Omuntu eyeeyendeza buli kintu asiikuula okusoola mu bantu, aye ole eyeesiga Musengwa Katonda aligheebwa obukombe.

Ensambo 29:22

Omuntu asungughala amangu asiikuula okusoola, n'omuntu omukambwe agwa mu bizibu kamaala.

Omulangirizi 10:4

Ole akufuga bw'akusungughaliranga otavanga ku mulimo gwo, kuba bwe weewooya asobola okukusonigha n'emisango eminene.

Matayo 5:9

Ba nkabi abakolerera emiraala, kuba balyetebwa baana ba Katonda.