Ensambo 15:15 - Baibuli Ekibono kya Katonda 2014

¹⁵ Obulamu obw'omuntu omughafu bwonabwona buba bubi, aye omuntu omusangaavu aba ng'oti ali mu mbaga ekiseera kyonakyona.

Ensambo 15:15 ပူးပေါင်းရင်းမြစ်များ

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

Amainhama 47:9

Yakobo yairamu ati: “Emyaka gye naakamala ku nsi, nga ntambulatambula ng'omusenze, giri kikumi n'asatu. Emyaka egyo gibaire mizibu era nga mitono, tigyaze na myaka emingi badhaadha bange gye baamala ku nsi nga batambulatambula ng'abasenze.”

Ensambo 15:13

Ali n'eisanhu ku mwoyo omubonera ku kumwenha, aye ali n'enaku ku mwoyo aba munhiinkaavu.

Ensambo 15:14

Omuntu omutegeevu anoonenkereza okufuna amagezi, aye omusiru awulira nga obusiru bumumala.

Ensambo 15:16

Omuntu amala gaba mwavu aye ng'atya Musengwa Katonda, atabaire mukombe aye ng'ali mu bizibu.

Ensambo 16:22

Amagezi eri abagezi gali ng'oti nsulo ereeta obulamu, ate obusiru bwaba kibonerezo eri abasiru.

Ensambo 17:22

Okuba omusangaavu, bulezi bwene obuwonia, aye okuba omunakughavu kugoogombya omubiri.

Ebikolwa by'Abatume 16:25

Agho nga mu bwire ghagati, Paulo ni Sila baali basaba Katonda era nga bamusaaka mu nhembo, era n'abasibe nga bali kuwulirisa.

Ab'e Roma 12:12

Okusuubira kwaimwe kubakuumenga nga musagamba, mubenga baguminkiriza mu bizibu byaimwe era musabenga buliidho.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

2 Ab'e Korintho 1:5

Kuba, nga bwetugabana ku kudaagadaaga einho okwa Kurisito, tutyo bwetugabana ni mu kugumizibwa einho Katonda.

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

1 Petero 4:13

Aye musangaale era musagambe olw'okubona nga mudaazibwadaazibwa ng'oti ni Kurisito, olwo mwidhule eisanhu, ekitiisa kye lwe kiriboneka.