Ensambo 15:13 - Baibuli Ekibono kya Katonda 2014

¹³ Ali n'eisanhu ku mwoyo omubonera ku kumwenha, aye ali n'enaku ku mwoyo aba munhiinkaavu.

Ensambo 15:13 ပူးပေါင်းရင်းမြစ်များ

Nehemia 2:2

Kale yambuuza ati: “Lwaki weekapye mu maiso, ate nga ndi kubona nga toli mulwaire? Kiboneka ghaligho enaku ekuli ku mwoyo.”

Ensambo 12:25

Okweraliikirira tikuganha muntu kusangaala, aye ebibono ebigumya bireetera omuntu eisanhu.

Ensambo 14:30

Omuntu bw'aba n'emiraala ku mwoyo, n'omubiri guba mulamu, aye ensaalwa egulya ng'oti bulwaire bwa kokolo.

Ensambo 15:15

Obulamu obw'omuntu omughafu bwonabwona buba bubi, aye omuntu omusangaavu aba ng'oti ali mu mbaga ekiseera kyonakyona.

Ensambo 17:22

Okuba omusangaavu, bulezi bwene obuwonia, aye okuba omunakughavu kugoogombya omubiri.

Ensambo 18:14

Omuntu omugumu aghanga okuguminkiriza obulwaire yaabaagho, aye awoiremu eisuubi taghanga kubaagho.

Yoanne 14:1

Yesu yaabakoba ati: “Mutabanga beeraliikirivu mu myoyo gyaimwe. Mwikirize Katonda, zeena mundhikirize.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

2 Ab'e Korintho 2:7

Kale mperaano mugwaine mumusonighe era mumugumye, alobe kunakughala bujiiririire, na kuwaamu maani.

2 Ab'e Korintho 7:10

kuba okulumwa nga Katonda bw'ayenda, kuvaamu okwenenia omuva okulokolebwa, era tikubaamu kweidhusa. Aye okulumwa okw'ensi kuvaamu kufa.