Ensambo 14:28 - Baibuli Ekibono kya Katonda 2014

²⁸ Abantu kyabazinga b'afuga ye bakoma okuba abangi, n'ekitiisa kye ye kikoma okuba ekikologho, aye b'afuga bwe batabaagho, n'ekitiisa kye tikibaagho.

Ensambo 14:28 ပူးပေါင်းရင်းမြစ်များ

2 Samueli 19:7

Kale ni situkiramu oje oyogere bukalamu n'abagheereza bo, kuba ndayira Musengwa Katonda nti bw'otaaje, tighaidha kubaagho muntu asigala n'iwe obwire buno. Ekyo kiidha kukuviiramu akabi akatakobeka, akatakutuukangaku kasookanga obaagho.”

2 Samueli 24:3

Yoabu yaamukoba ati: “Musengwa Katonda wo agwananga yaayongera ku bungi obw'abantu ba Isiraeli emikuzi kikumi okusinga bwe bali, era n'iwe Isebantu kyabazinga ekyo waakyeboneraku n'amaiso go. Aye Isebantu kyabazinga, eky'okubala abantu kikusanhukiza ki?”

1 Bakyabazinga 20:27

N'Abaisiraeli boona baasolozebwa, baagheebwa ebikozesebwa, baaja okulwana n'Abasiria abo. Abaisiraeli baasimba weema dhaibwe nga balinzagainia nabo, nga bali ng'oti bwa bughaso bwa mbuzi bubiri obutono, aye Abasiria nga babunie woonawoona.

2 Bakyabazinga 13:7

Yehoahazi tiyasigazaagho igye lirimu balwani baswika mu makumi ataanu (50) ab'oku mbalaasi, oba ebigaali eby'omu lutalo ebiswika mu ikumi (10), waire abaisirukale abaswika mu mutwalo omulala (10,000) ab'oku bigere kuba kyabazinga wa Siria yazikiriza abandi boonaboona, yaabatyankirira ng'oti nkungu ey'omu kifo ghe bakubira engaano.

Okuvaayo 1:12

Aye Abamisiri ye baakomya okutuntuza Abaisiraeli, n'Abaisiraeli boona ye baakomya okweyongera okuzaalagana n'okusansaanira mu biketezo ebindi ebya Misiri ye baali bakaali kutuuka. Abamisiri baakyagha Abaisiraeli era nga n'okubatya babatya.

Okuvaayo 1:22

Agho kyabazinga yaalagira abantu be boonaboona ati: “Musuulenga buli mwana mulenzi azaalibwa Abaheburayi mu mwiga Kiyira aye abaghala mubalekenga nga balamu.”

Ensambo 14:27

Okutya Musengwa Katonda kuli ng'oti nsulo ereeta obulamu, kuwonia omuntu okufa.

Ensambo 14:29

Omuntu alwagho okusungughala aba mutegeevu mu by'akola, aye ole asungughala amangu akola eby'ekisiru.

Yeremia 13:20

Iwe Yerusalemu, bona ere! Abazigu bo bali kwidha nga bava ku luuyi olw'omukono omugooda olw'e buvandhuba! Abantu abaakugemesebwa okulabirira, abantu abo abaakweyagazanga einho, buti bali gha?