Ensambo 14:19 - Baibuli Ekibono kya Katonda 2014

¹⁹ Ababi balikubira abatuufu amakiryaivu, era aboonooni abo baliba ku miryango egy'abatya Katonda nga babeegayirira.

Ensambo 14:19 ပူးပေါင်းရင်းမြစ်များ

Amainhama 42:6

Yosefu n'eyali omufuzi w'ensi Misiri, era n'eyaguzanga engaano abantu boonaboona abaavanga woonawoona mu nsi. Kale baganda be baidha, baakuba amakiryaivu mu maiso ge, nga n'obweni butuuse ku itaka.

Amainhama 43:28

Bairamu bati: “Omugheereza wo iseife akaaliyo mulamu, era aliyo bukalamu.” Baamukubira amakiryaivu nga n'obweni butuuse ku itaka.

2 Bakyabazinga 3:12

Kyabazinga Yehoshafati yaakoba ati: “Musengwa Katonda ayogera ng'abita mu oyo.” Kale kyabazinga owa Isiraeli, ni kyabazinga Yehoshafati owa Buyudaaya, ni kyabazinga wa Edomu, baaja eri Elisha.

Zabbuli 49:14

Basindikibwa mu nsi ey'abafu ng'oti ntaama, olumbe lwabaaya, baaserengeta mu magombe aghazira kusibamu, emibiri gyaibwe gyavundira eyo. Mu nsi y'abafu n'eri amaka gaibwe.

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Okuvaayo 8:8

Kyabazinga yaayetesa Musa ni Aaroni yaabakoba ati: “Muneegayiriregho eri Musengwa Katonda antooleku ebikere bino era abitoole ni ku bantu bange, ndidha kuleka Abaisiraeli baje bagheeyo omusengo ye Musengwa Katonda.”

Ensambo 11:29

Ole adaazadaaza ab'endhu ye azira mugabo gw'alisikira. N'omusiru aidha kubanga mugheereza wa mugezi.

Ensambo 14:18

Abasiru bafuna busiru, aye abagezi bagheebwa amagezi ng'empeera yaibwe.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Malaki 4:3

Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.

Ebikolwa by'Abatume 16:39

Baaja baabeeghemba, baabafulumya mu ikomera era baabasaba bave mu kibuga.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.

1 Samueli 2:36

Ow'eizaire lyo yeenayeena aliwonagho alija ye kabona oyo okusabiriza akasente n'akamere, ng'amukoba ati, nkweghembye, mpa nkole ogundi ku mirimo gya bakabona, nsobole okufuna eky'okulya.’ ”