Ensambo 14:11 - Baibuli Ekibono kya Katonda 2014

¹¹ Endhu ey'omubi eja kuzikirira, aye entindi ey'omwesimbu esigale ng'ekaaligho.

Ensambo 14:11 ပူးပေါင်းရင်းမြစ်များ

Yobu 15:34

Kuba abatatya Katonda baidha kubanga bagumba. Era omuliro gwidha kwokyanga endhu dhe bafuna mu kukupankupania.

Yobu 18:21

Bwenebwene eyo n'enkomerero y'ababi ekyo n'ekirituuka ku abo abateefiirayo ku Katonda.”

Yobu 21:28

Kuba mubuuza muti, ‘Endhu y'omukungu eri luuyi gha? Amaka ag'eyakolanga ebibi gali luuyi gha?’

Yobu 8:15

Bwebeesigama ku ndhu dhaibwe, dhigwa bugwe ni bwebadhigemerera, tidhigumiragho.

Yobu 8:22

Aidha kuleetera abakukyagha okuswala einho, era asaaniegho endhu edh'abakozi b'ebibi.

Yobu 8:6

era bw'onaaba omwesimbu ng'oli mulongoofu, Katonda oyo taalobe kwidha kukubeera, nakukwirizaagho maka go agakusaaniire.

Zabbuli 128:3

Mu maka go, mukazi wo aidha kubanga ng'oti n'omuzabbibu ogwama einho, ate abaana bo babenga oti miti emyoliva emito, nga beezungulwire ekiiwulo.

Zabbuli 37:10

Mu kaseera katono ababi baja kuwaagho, nga ni bw'obaagala ghe baalinga tobabona.

Ensambo 11:28

Ole eyeesiga obukombe bwe aja kukala ng'oti ikaba lya muti oguwaawiiza, aye omutuufu aja kugimuka ng'oti ikaba lya muti ogusibwisa.

Ensambo 12:7

Katonda azikiriza ababi baaloba kulekaghooku waire omwidhukulu, aye enda edh'abatuufu tidhiweekereragho.

Ensambo 15:25

Musengwa Katonda azikiriza endhu edh'abantu abeekuluntaza, aye yaakuuma ebintu bya banamwandu.

Ensambo 21:12

Katonda mu butuufu bwe amanha ebikolebwa ab'omu ndhu edh'ababi, era alibasuula ghansi yaabazikiriza.

Ensambo 21:20

Abagezi baba n'omuzigo n'eby'obukombe ebindi kamaala era n'amasavu, aye abasiru babimalagho bumale byonabyona.

Ensambo 3:33

Musengwa Katonda akolimira ab'endhu edh'abakozi ab'ebibi, aye yaagha enkabi ab'endhu edh'abatuufu.

Zekaria 5:4

Musengwa Katonda Afuga Amagye akoba ati alisindika ekikolimo ekyo kyangira mu ndhu dh'abaibi, ni mu ndhu dh'abo abanaalayiranga eby'okusubagha mu liina lya Musengwa Katonda. Era ekikolimo ekyo kiriba mu ndhu edho kyadhisaaniagho okudhimaliriragho.”