Ensambo 13:25 - Baibuli Ekibono kya Katonda 2014

²⁵ Abatuufu baba n'emere ebamala, aye ababi baba bayala buli kiseera.

Ensambo 13:25 ပူးပေါင်းရင်းမြစ်များ

Zabbuli 103:5

Ampa buli kikalamu kye neetaaga mu bulamu bwange bwonabwona, naasigala nga ndi mugumu era wa maani ng'oti n'enkookooma.

Zabbuli 132:15

Ab'omu Sioni ndidha kubagha byonabyona bye beetaaga mu bungi, abaavu baamu boonaboona baidha kulyanga emere baigute.

Zabbuli 34:10

Ni bwedhiba empologoma edh'amaani dhibula emere, aye abo abasaba Musengwa Katonda tibabulwa kintu kirungi.

Zabbuli 37:16

Akantu akatono omuntu omutuufu k'ali nako, kasinga ekyodoodo ky'ebyo ababi abangi bye baba nabyo;

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Ensambo 10:3

Musengwa Katonda taleka batuufu ni balambuka ndhala, aye alobera abakozi b'ebibi okufuna bye balulunkanira.

Ensambo 13:18

Omuntu atafaayo ku bye bamugalagira, ayavughala era yaanhoomebwa, aye ole awulirisa bye bamunenia agheebwa ekitiisa.

Ensambo 24:34

n'ebireetera obwavu okulumba omuntu ng'oti mukambuzi, n'obwetaavu okumweyongeraku ng'oti n'ole omunhazi ali n'ekiisi y'anhazeeku ebibye.

Ensambo 6:11

n'ebireetera obwavu okubalumba ng'oti mukambuzi, n'obwetaavu okubeeyongeraku ng'oti n'abantu omunhazi ali n'ekiisi b'anhazeeku ebyaibwe.

Luka 15:14

Ng'amaze okumalagho byonabyona bye yali nabyo, endhala ey'amaani yaagwa mu nsi eyo, yaatoolera okuluga.

Amateeka Agokubiri 28:48

Kale ni aidha kubasindikiranga abazigu, imwe mufuuke bagheereza baibwe, endhala n'endiwo bibalumenga, nga muli madu era nga muzira kintu kyonakyona kye muli nakyo. Musengwa Katonda oyo aidhanga kubaleetera okutuntuzibwa einho, okutuusa lwe mulizikirizibwa.

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.

2 Ab'e Thessalonika 3:10

Ate ni bwe twali n'imwe twabagha ekiragiro kino tuti: “Oba ng'ole tayenda kukola, n'okulya alekere.”

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”