Ensambo 13:22 - Baibuli Ekibono kya Katonda 2014

²² Omuntu omulungi aba n'obukombe bw'alekeraku n'abaidhukulu, aye obukombe obw'aboonooni bugheebwa abatuufu.

Ensambo 13:22 ပူးပေါင်းရင်းမြစ်များ

Ezera 9:12

Mbeeni mutaganhanga baghala baimwe kubayira batabane baibwe, waire okuganha batabane baimwe okubayiza baghala baibwe. Era mutabendezanga miraala oba okukulankulana, olwo musobole okuba ab'amaani n'okulya ebirungi eby'ensi eyo era mugirekere abaana baimwe ng'obusika bwaibwe obw'olubeerera.’

Zabbuli 102:28

Abaana b'abo abakutya baidha kubangagho ng'obakuuma, n'abaidhukulu baibwe boona baidha kubanga bagumu gh'oli.

Zabbuli 112:2

Abaana be n'abaidhukulu baba ba maani mu nsi; oluse oluva mu muntu oyo atya Katonda luba lwa nkabi.

Zabbuli 128:6

Oghangaale obone ni ku baidhukulu. Emiraala gibe mu Isiraeli.

Zabbuli 37:25

Okuva mu buto, buti nkairiighe, aye tibonangaku nga Musengwa Katonda alekulira agho omutuufu, waire okubona ng'abaana ab'omutuufu basabiriza.

Ensambo 17:6

Abakaire badhuga olw'okuba n'abaidhukulu, n'abaana beenhumiririza mu bazaire baibwe.

Ensambo 28:8

Omuntu afuuka omukombe ng'aseera afune amagoba, obukombe bwe bulija y'oyo agemerwa abaavu ekivunika.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.