Ensambo 13:20 - Baibuli Ekibono kya Katonda 2014

²⁰ Ole abita n'abagezi yeena afuuka mugezi, aye ole aba mu basiru alizikirizibwa.

Ensambo 13:20 ပူးပေါင်းရင်းမြစ်များ

Amainhama 14:12

Era ni Loti omwana wa muganda wa Aburamu, eyali ng'aba mu Sodoma yeena baamutwala nga munhage, baatwala n'ebintu bye, olwamala beejiira.

1 Bakyabazinga 12:10

Agho abaisuka abo baamukoba bati: “Abantu abo abakukobye bati, ‘Lata wo yatukaluubiriza inho ekibitiriire, yaatukozesa emirimo emizito, aye iwe tukendeezeeku ku buzito obwo,’ bakobe oti, ‘Akaala kange akansubi, kanene okusinga enkende ya lata wange.

1 Bakyabazinga 12:8

Aye kyabazinga Rehoboamu yaava ku magezi g'abantu abakulu ge baamugha, yeebuuza ku baisuka abaakula naye era abaali nga n'abamugheereza mu kiseera ekyo.

1 Bakyabazinga 22:32

Agho abaduumizi b'ebigaali eby'omu lutalo abo bwe baabona kyabazinga Yehoshafati, baadhuuba bati ni kyabazinga wa Isiraeli, era baakyuka okumulwanisa. Aye Yehoshafati oyo bwe yayana einho,

1 Bakyabazinga 22:4

Yaabuuza Yehoshafati ati: “Onaaja ninze mu Ramothi eky'e Gileadi okulwana olutalo?” Yehoshafati yaamwiramu ati: “Nze n'iwe tuli kirala. Abantu bange n'ekirala n'ababo, era embalaasi dhange n'ekirala n'edhidho.”

2 Ebyomubyanda 10:8

Aye kyabazinga Rehoboamu yaava ku magezi g'abantu abakulu ge baamugha, yeebuuza ku baisuka abaakula naye era abaali nga n'abamugheereza mu kiseera ekyo.

2 Ebyomubyanda 19:2

Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

2 Ebyomubyanda 22:4

Yaakolanga ebibi yaasungughaza Musengwa Katonda, ng'ab'endhu ya Ahabu bwe baakolanga kuba ise bwe yamala okufa, abo n'abaamughanga amagezi agaamutuusa ku kugwa.

Zabbuli 119:63

Abo boonaboona abakutya n'ababa bakagwa bange, abo boonaboona abajiira ku mateeka go.

Ensambo 13:19

Omuntu asangaala okufuna kye yeegomba. Abasiru tibendera irala kulekera kukola bibi.

Ensambo 14:7

Tobanga mu basiru, kuba ozirayo kya magezi ky'obafunamu.

Ensambo 15:31

Ole aganha okunenezebwa okulungi afuuka mugezi.

Ensambo 22:24

Otakwananga muntu wa busungu, oba okubita n'ole nga mukambwe.

Ensambo 22:25

Kuba oghanga okugema emize gyaibwe egyo, gy'akugemya ng'oti mitego, waaloba kugivaamu.

Ensambo 7:27

Bw'oja mu ndhu ye, oba oseese mu magombe, era oba otuuse mu nsi ey'abafu.

Ensambo 9:6

Va mu bantu abazira kye baidhi obe mulamu, era weebise mu nsambo eyoleka ng'otegeera.”

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Ebikolwa by'Abatume 2:42

Beekalangulira mu kwegeresebwa kw'Abatume, ni mu kwisa ekirala, mu kumegula omugaati, ni mu kusaba.

Abaheburayi 10:24

Tufengayo inho okukubiriza banaife mu kugonzania, n'okukola ebikalamu.

Okwolekebwa 18:4

Era naawulira amamiro agandi agava mu igulu nga gakoba gati: “Bantu bange, mumuveemu, mulobe kweyimba mu bibi bye, na kugabana ku bibamba bye;