Ensambo 13:17 - Baibuli Ekibono kya Katonda 2014

¹⁷ Omukwenda ateesigika asuula abantu mu buzibu, aye omutume omukalamu aleeta emiraala.

Ensambo 13:17 ပူးပေါင်းရင်းမြစ်များ

Ensambo 10:26

Bw'otuma omugayaavu akulumya ng'oti n'omwenge endoota bwe gusala mu maino ag'ole agubutiike mu kanwa, era ng'oti n'omwosi bwe gubuuguuka mu maiso.

Ensambo 13:18

Omuntu atafaayo ku bye bamugalagira, ayavughala era yaanhoomebwa, aye ole awulirisa bye bamunenia agheebwa ekitiisa.

Ensambo 25:13

Omukwenda omwesigwa aizaamu amaani abo abaamutuma, ng'oti n'amaadhi ag'okunhwa amainhogovu bwe gaghegheeza abaganhwa mu kasana mu biseera eby'okukungula.

Ensambo 25:23

Ng'empewo ey'oku luuyi olw'omukono omugooda olw'e buvandhuba bw'ereeta amaadhi, n'okugeya kutyo bwe kuleeta obusungu.

Ensambo 26:6

Omuntu atuma omusiru okutwala obukwenda, aba ng'oti yeetemyeku mwene amagulu era yeereetera mwene ebizibu.

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Ezekieli 3:18

Bwe nkoba omuntu omukozi w'ebibi nti, ‘Bwenebwene oidha kufa,’ aye iwe n'otalabula muntu oyo kuva mu bibi bye asobole okuwonia obulamu bwe, omuntu oyo alifiira mu bibi bye. Aye omusango ogw'okufa kwe ndiguta ku iwe.

Okubala 31:8

Baita bakyabazinga abataanu ab'Abamidia, bano: Evi, Rekema, Zuri, Huri ni Reba. Era mu lutalo olwo mwe baitira ni Balaamu mutabane wa Beori.

1 Ab'e Korintho 4:2

Ekintu ekyendebwa ku mugheereza oti n'oyo, n'okuba omwesigwa ye Musengwa we.

2 Ab'e Korintho 2:17

Tituli oti n'abantu abandi kamaala abakozesa ekibono kya Katonda okufunamu kye banaalya, aye tuli bantu Katonda be yatuma, era twogera mazima mu maiso ge, ng'abagheereza mu Kurisito.

2 Ab'e Korintho 5:20

Kale tuli bakwenda ba Kurisito, Katonda b'abitamu okubeeta. Tubeeghembye mu liina lya Kurisito muganhe Katonda abaghe okwisania naye.

1 Timotheo 1:12

Neeyanza Kurisito Yesu musengwa waife, eyampa amaani okukola omulimo guno, era n'abona nga ngwaniire, n'anonda okumugheereza.

2 Timotheo 2:2

Ebyo bye wawulira nga nkoba mu maiso g'abadhulirwa abangi, bigemye abantu abo abeesigwa abalisobola boona okubyegeresa abandi.