Ensambo 13:13 - Baibuli Ekibono kya Katonda 2014

¹³ Ole anhooma okugalagirwa yeereetera mwene okuzikirira, aye ole agondera ekiragiro aligheebwa empeera.

Ensambo 13:13 ပူးပေါင်းရင်းမြစ်များ

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Ezera 10:3

Kale ni tukole endagaano ni Katonda waife, tutoolegho abakazi abo n'abaana baibwe, nga tujiira ku magezi ge tunaafuna okuva ye iwe musengwa wange, ni y'abo boonaboona abagondera ebiragiro bya Katonda waife oyo. Ekyo twidha kukikola nga tujiira ku mateeka.

Zabbuli 115:13

era aghenga n'abo boonaboona abamutya enkabi, abakologho n'abatali bakologho.

Zabbuli 119:165

Abagonza amateeka go bawulira miraala myereere, ghazira kisobola kubasuula.

Zabbuli 19:11

Ate era mu kusala omusango okwa iwe Musengwa Katonda, ole akugondera mw'alabulirwa, n'ole akwekuuma mw'afunira empeera enene.

Zabbuli 19:12

Naani asobola okubona ensobi dhe mwene? Wo Musengwa Katonda, nsonigha ebisobyo bye ngwamu nga tiidhi.

Okuvaayo 9:20

Agho abandi ku bakungu ba kyabazinga baatya olw'ebyo Musengwa Katonda bye yakoba, baalagira abairu baibwe okungira n'okungiza ebyayo byaibwe.

Ensambo 1:25

Amagezi ge mbagha timugatwala ng'ekikulu, era timwenda ni mbanenia.

Ensambo 13:12

Okulwagho okufuna ky'osuubira kuleetera omwoyo okuzirika, aye bw'ofuna kye weegombanga kikuleetera obulamu.

Ensambo 13:21

Ebizibu bija nga binoonereza aboonooni, aye abatuufu baligheebwa ebirungi.

Ensambo 16:20

Omuntu omwegendereza mu buli kintu, ebintu biidha kumujiiranga bukalamu, era wa nkabi oyo eyeesiga Musengwa Katonda.

Ensambo 19:16

Omuntu agondera ebiragiro akuuma obulamu bwe, aye ole abinhooma obunhoome wa kufa.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Yeremia 43:2

Azaria mutabane wa Hoshaia, ni Yohanani mutabane wa Karea, n'abasaadha abandi abeetwala okuba aba ghaigulu, bankoba bati: “Oli kulimba. Musengwa Katonda waife tiyakutuma iwe kwidha kutukoba tulobe kuja mu Misiri kuba eyo.

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Ezekieli 20:16

Neerayirira ntyo lwa kuba baava ku biragiro byange era baaloba kujiira ku mateeka gange. Baayonoona n'olunaku lwange olwa Sabbato, era baasinzanga ebitali nze Katonda.

Ezekieli 20:24

Neerayirira ntyo lwa kuba baava ku biragiro byange era baaloba kujiira ku mateeka gange. Baayonoona n'olunaku lwange olwa Sabbato, era baasinzanga ebitali nze Katonda ebya badhaadha baibwe.

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Okubala 15:31

Olw'okuba aba ng'anhoomye ekibono kyange nze Musengwa Katonda era ng'amenhie eiteeka lyange, omuntu oyo aba nga takaabalirwa mu bantu bange naire, era aba nga yeereeteire mwene omusango okumusinga.”

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Luka 16:31

Aye Aburahamu yaamukoba ati, ‘Oba nga tibawulira Musa n'abalanzi, tibaja kwikiriza omuntu ni bw'alizuukira okuva mu bafu.’ ”

2 Yoanne 1:8

Mwekuume, mulobe kusubwa ekyo kye mwakolerera, aye mufune empeera yaimwe mu bwidhuvu.