Ensambo 12:13 - Baibuli Ekibono kya Katonda 2014

¹³ Ebibono eby'omubi byene bifuuka mutego ogumugemya, aye omutuufu abita mu bizibu byaloba kumugemaku.

Ensambo 12:13 ပူးပေါင်းရင်းမြစ်များ

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

2 Samueli 4:9

Aye Daudi yairamu ati: “Ndayira Musengwa Katonda omulamu eyamponianga buli kabi koonakoona akandhidhiranga, nti

1 Bakyabazinga 2:23

Agho kyabazinga Solomoni yaalayira mu Musengwa Katonda ati: “Adoniya bw'ataitibwe olw'ekyo ky'asabye, Katonda agwananga yambonereza inho.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Zabbuli 34:20

Akuuma amagumba gaibwe goonagoona, ghaabula erimenhekaku waire eirala liti.

Zabbuli 5:6

Ozikiriza abo boonaboona abaguya waakyagha abaisi n'abaghaayiriza.

Zabbuli 59:12

Ka basigale nga bagemeibwa mu kwebona kwaibwe, ng'oti n'ensolo bw'egwa mu lutuula. Kuba boonoona n'eminwa gyaibwe, na kiisi kibono kye boogera. Era olw'okuba bakolima era baaguya,

Zabbuli 59:13

bazikirize mu busungu bwo; bazikirize bagheekereregho irala. Abantu boonaboona bakimanhe nga Katonda n'afuga mu Isiraeli, n'okutuukira irala ensi y'ekoma.

Zabbuli 64:8

Aja kubazikiriza olw'ebibono byaibwe bye boogera. Boonaboona abalikibona baja kutengeesa emitwe nga beewuunhia.

Ensambo 10:8

Abantu abali n'okutegeera bawulira bye babalagira, aye abaziramu kategeera bazikirira.

Ensambo 11:8

Katonda akuuma omutuufu yaaloba kugwa mu bizibu, aye omubi yaabigwamu.

Ensambo 15:2

Omugezi ayogera ebigwaniire, aye omusiru alokompoka busiru bwereere.

Ensambo 18:21

Omuntu by'ayogera bisobola okwita oba okulamya. Kale abo abenda einho okwogera bali n'okugumira byonabyona ebiva mu bye boogera.

Ensambo 21:23

Omuntu eyeekuuma n'atayogerayogera eyo atyo, aba yeekuuma bizibu butamutuukaku.

Ensambo 6:2

olwo onaabanga weetaire mwene omugugha mu nkoto olw'ebibono byo, era nga weesibye mwene olw'ebisuubizo byo.

Omulangirizi 7:18

Kirungi weefugenga, olobenga kubitiriza mu ebyo byombi, kuba oyo atya Katonda aja kuwona ebyo byonabyona.

Danieli 6:24

Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Matayo 27:25

Abantu boonaboona baakoba bati: “Omusaayi gwe gube ku ife ni ku baana baife.”

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.