Ensambo 11:31 - Baibuli Ekibono kya Katonda 2014

³¹ Bona eno, oba nga abantu abatuufu mu nsi bagheebwa empeera ebagwaniire, memale ababi n'aboonooni baliroba batya okusasulwamu ekibajaamu?

Ensambo 11:31 ပူးပေါင်းရင်းမြစ်များ

2 Samueli 22:21

Musengwa Katonda yansasula ng'ajiira ku butuufu bwange yampa enkabi dhe, kuba nziraku musango.

2 Samueli 22:25

Musengwa Katonda kyava n'ansasula ng'ajiira ku butuufu bwange, era ng'ajiira ku ky'okuba nti nzira musango mu maiso ge.

1 Bakyabazinga 13:24

Era omulanzi oyo bweyali aja, yaayagaanana n'empologoma mu ngira, yaamwita. Omulambo gwe gwagwa agho mu ngira. Endogoyi n'empologoma byayemerera agho gha mbali ghaagwo.

Ensambo 12:1

Oyo asangaalira okugalagirwa aba ayenda okumanha, aye akyagha okunenezebwa aba ng'oti nsolo busolo.

Ensambo 13:21

Ebizibu bija nga binoonereza aboonooni, aye abatuufu baligheebwa ebirungi.

Ensambo 26:10

Omuntu atoola buli musiru y'aboine n'amutaagho okumukolera omulimo, aba ng'oti n'omulasi ow'obulaso afumita buli muntu.

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Yeremia 25:29

kuba bona, nja kusookera mu kibuga kyange mwene okukola akabi. Balowooza bati beene baliwona okubonerezebwa? Busa, tibaliwona kubonerezebwa naire, kuba nja kusindika olutalo ku bantu boonaboona ab'oku nsi. Nze Musengwa Katonda Afuga Amagye, ninze nkobye.’

Ezekieli 44:10

Agho Musengwa Katonda yankoba ati: “Nze Musengwa Katonda ndidha kubonereza Abalevi abo abanvaaku ni badaaliima ghalala ni Baisiraeli banaibwe, ni baja okusinza ebitali nze Katonda.

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.