Ensambo 11:28 - Baibuli Ekibono kya Katonda 2014

²⁸ Ole eyeesiga obukombe bwe aja kukala ng'oti ikaba lya muti oguwaawiiza, aye omutuufu aja kugimuka ng'oti ikaba lya muti ogusibwisa.

Ensambo 11:28 ပူးပေါင်းရင်းမြစ်များ

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 49:6

abantu abo beesiga bukombe bwaibwe era beesuuta olw'ebintu kamaala bye baba nabyo.

Zabbuli 62:10

Oteesiganga bikolwa bya bukambwe; otasuubiriranga mu kukambula. Eby'obukombe bwebyeyongeranga otabitangaku mwoyo gwo.

Ensambo 10:15

Omuntu omukombe, eby'obukombe by'aba nabyo n'ebimukuuma, aye omwavu, obwavu bwe n'obumuzikiriza.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Yeremia 17:8

Ali ng'oti n'omuti ogwasimbibwa ku mwiga, ogukunkunia emizi gyagwo ni gituuka ku maadhi. Tigutya musana ni bwe gwaka okwaga gha, kuba amakaba gaagwo gasigala nga ti maniavu. Ghazira kigweraliikiriza oba amaadhi gagwa oba tigagwa, kuba buli kiseera gutaaku ebibala.”

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.