Ensambo 11:24 - Baibuli Ekibono kya Katonda 2014

²⁴ Ghaligho omuntu aba omugabi einho aye yeeyongera bweyongere kugaigaghala, ate owundi yaaba mukodo ekibitiriire aye yeeyongera bweyongere kwavughala.

Ensambo 11:24 ပူးပေါင်းရင်းမြစ်များ

2 Ebyomubyanda 31:10

Agho Azaria Kabona Omukulu, mwidhukulu wa Zadoki, yaakoba ati: “Okuva abantu lwe baatoolera okuleeta ebintu mu isinzizo, tulya emere twaiguta twalekerera n'okulekerera, yaasigalagho nhingi inho kuba Musengwa Katonda aghaire abantu be enkabi.”

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Ensambo 11:18

Omukozi w'ebibi yeerimba ati katyo anaabifunamu empeera emugasa, aye ate omuntu omutuufu n'afuna empeera yeene egasa.

Ensambo 11:23

Abantu abatuufu bye benda bibaviiramu birungi byereere, aye abakozi b'ebibi bye basuubira bibaviiramu Katonda kubasungughalira.

Ensambo 11:25

Omuntu omugabi aidha kugheebwanga obukombe, era ole agha abandi amaadhi ag'okunhwa, yeena aidha kugheebwanga amaadhi anhwe.

Ensambo 13:7

Ghaligho omuntu eyeebisa ng'oti mukombe, ate nga ghazira kantu k'ali nako; ate owundi yeebisa ng'oti mwavu, ate ng'ali n'ebintu kamaala.

Ensambo 19:17

Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Ensambo 28:27

Omuntu agabira abaavu taja kwavughalanga, aye ole ababona n'atabafaaku alikolimirwa inho.

Ensambo 28:8

Omuntu afuuka omukombe ng'aseera afune amagoba, obukombe bwe bulija y'oyo agemerwa abaavu ekivunika.

Omulangirizi 11:6

Osiganga ensigo dho ku nkyo era n'eigulo otyo aghazira kwisa mukono, kuba toidhiiku dhinaakula bukalamu; ka dhibe dh'osize ku nkyo oba dh'osize eigulo oba dhoonadhoona.

Haggai 1:6

Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.

Malaki 3:8

Zeena ka mbabuuze nti: ‘Kiba kituufu omuntu okukupankupania ebintu bya Katonda?’ Aye ate imwe mukupankupania ebyange, era mwamala mwabuuza muti: ‘Tubikupankupania tutya?’ Mubikupankupaniza mu ebyo bye mwandighaireyo ng'ekintu ekirala ekirala ku buli bintu ikumi bye mufuna, era ni mu bigheebwayo ebindi, bye muloba okumpa.

Luka 6:38

Mugabenga, era mwena muligheebwa. Ekipimo ekituufu ekitengeeseibwa ni kisiinhirwa, ni kiidhula era n'okuyuyika ni kiyuyika, kye balibagemya; kuba ekipimo kye mupimiramu abandi mwena kye mulipimirwamu.”

Amateeka Agokubiri 15:10

Mumughenga na mwoyo mulala aghazira kukakibwa. Olwo Musengwa Katonda waimwe aidha kubaghanga enkabi mu byonabyona bye munaakolanga.