Ensambo 11:13 - Baibuli Ekibono kya Katonda 2014

¹³ Omuntu ayengeesa olubono, ayogera ebyama, aye omwesigwa aghanga okugisa ebyama.

Ensambo 11:13 ပူးပေါင်းရင်းမြစ်များ

Ensambo 10:19

Mu kwogera ebibono ebingi timubulamu kwonoona, kale omuntu afuga omunwa gwe aba mugezi.

Ensambo 11:12

Ole anhooma baine aba aziramu kategeera, aye ali n'okutegeera asirika busirike.

Ensambo 12:23

Omuntu omutegeevu taja nga yeerangirira kiisi ky'aidhi, aye abasiru booleka bukalamu nga ghazira kye baidhi.

Ensambo 14:5

Omudhulizi omwesigwa talimba, aye atali mwesigwa ayogera bya buguya byereere.

Ensambo 19:11

Okutegeera kuleetera omuntu okulwagho okusungughala, era kiba kya kitiisa omuntu okusonigha abasobya.

Ensambo 20:19

Omuntu ayengeesa olubono ayogera ebyama. Kale weesambanga abantu aboogerayogera eyo batyo.

Ensambo 25:9

Bw'obanga n'ensonga ku mwino mugyogerengaku nga muli mwenka, era buli muntu ataghembulanga byama bya mwine.

Yeremia 38:27

Agho abakungu boonaboona baidha bambuuza, era zeena naabakobera byenebyene kyabazinga bye yankoba okubakoba. Kale bandeka, ghazira muntu yawuliraku bye twayogera.

Abalevi 19:16

Otasansaanianga ngambo mu bantu bo, era oteesimbangagho kulumiriza muntu yeenayeena mu musango ogusobola okumuviiramu okwitibwa. Ninze Musengwa Katonda.

1 Timotheo 5:13

N'ekindi beenazaaku omuze ogw'okuba agho nga bazira kye bakola, baayengeeta okubuna amayumba. Ate tibakoma ku kuba agho nga bazira kye bakola, aye bongeraku n'okuba n'olugambo, nga bengiza mu bitabagemaku, baayogera n'ebitagwaniire kwogera.

Yoshua 2:14

Abakeesi baamukoba bati: “Musengwa Katonda atwalanga obulamu bwaife bwemufanga. Bw'otalikoberaku bandi ku bye tuli kukola, twidha kuba beesigwa y'oli era tukubise bukalamu, nga Musengwa Katonda atughaire ensi eno.”

Yoshua 2:20

Aye bye tuli kukola bw'olibikobera abantu, agho ghaliba ghazira kiritukaka kukuuma kirayiro ky'otulayiiza.”