29 Musengwa Katonda n'ekifo eky'okwewogomamu eri oyo omwesimbu, aye omubi amuzikiriza buzikirize.
Akabi tikaidhira boonooni, n'okuzikirira tikugwira babi?
Katonda alabirira era yaakugira abatuufu, aye ababi balizikirira.
Bona, ababi bali ku itaka, bagwire baaloba kusobola kusituka.
Aye ababi baja kufa; abazigu ba Musengwa Katonda abo baja kuwaagho mangu ng'oti munhiriro gwa isubi, era ng'oti n'omwosi bwegubulagho.
Bwe batambula baja nga bwe beeyongera okufuna amaani; balibona Katonda asinga bakatonda mu Sioni.
ati waire ababi bamera ng'oti isubi, abakozi b'ebibi kiisi kye bakola ni kibalamira, baategekerwa kuzikirira okw'olubeerera.
Omubi bw'afa by'abaire asuubira byonabyona agho ghe bikoma, era ole atatya Katonda bye yeesumba tabifuna naire.
Obutuufu bukuuma omuntu omwesimbu, aye okukola ebibi kuleetera aboonooni okugwa.
Abantu abatuufu basangaala ng'amazima gakoleibwa, aye ababi kibaleetera kuzirika buzirike.
Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.
Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.
Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.
Nsobola okugumira byonabyona olw'amaani Kurisito g'ampa.