Ensambo 10:13 - Baibuli Ekibono kya Katonda 2014

¹³ Ebibono eby'omuntu ali n'okutegeera bibaamu amagezi, aye omuntu aziramu kategeera agwana kukubwa lwigo.

Ensambo 10:13 ပူးပေါင်းရင်းမြစ်များ

Zabbuli 32:9

Otabanga ng'embalaasi oba enhumbu edhizira kutegeera, edhitasobola kukola muntu ky'ayenda, okutoolaku nga adhisibyemu ekyuma mu kanwa n'enkoba mu kifuba, memale ni dhikola ky'ayenda.”

Zabbuli 37:30

Omunwa ogw'omuntu omutuufu gwogera bya magezi, era olulimi lwe lwogera bituufu.

Okuvaayo 10:12

Olwo Musengwa Katonda yaakoba Musa ati: “Golola omukono gwo ng'ogwolekeza ensi Misiri, enzige dhiidhe dhirye kiisi kimera ekirimu ebyo byonabyona omugozi bye gutaakuba.”

Ensambo 10:21

Ebibono eby'omutuufu bigasa abantu kamaala, aye abasiru bafa mangu olw'okubulamu akategeera.

Ensambo 10:31

Omuntu omutuufu ayogera bya magezi, aye omuguya baja kumulekeza okwogera.

Ensambo 15:23

Okwiramu ekituufu kusanhusa omuntu, era ekibono ekyogerwa mu kiseera ekigwaine kiba kirungi inho.

Ensambo 15:7

Abagezi bye boogera bibunisa okumanha mu bantu, aye abasiru tibakola batyo.

Ensambo 16:21

Omuntu omugezi bamweta mutegeevu, era olw'ebibono bye ebikalamu aikirizisa abantu.

Ensambo 17:10

Omuntu ategeera omunenia lulala yaayega, aye omusiru ni bw'omukuba emikuzi ekikumi ghazira ky'ayega.

Ensambo 19:29

Abanhoomi tibaliwona kusalirwa musango kubasinga, n'abasiru tibaliwona kukubwa.

Ensambo 20:15

Eriyo zaabu era yaabaayo n'amabaale ag'omughendo kamaala; aye omuntu ayogera eby'amagezi wa mughendo inho okuwulagho.

Ensambo 26:3

Ng'embalaasi bw'eri n'okukubwa enkoba, n'endogoyi okusibwa enkoba mu nkoto, n'omusiru atyo bw'ali n'okukubwa emiigo.

Ensambo 27:22

Omusiru ni bw'omusekula mu kinu ng'oti ni bwe basekula engaano okugitoolaku obukaba, obusiru bwe tibumuvaaku.

Ensambo 6:32

Omuntu ayenda ku muka beene tabaamu kategeera. Aba ali bwa kwezikiriza mwene.

Ensambo 7:22

Amangu ago omwisuka yaatoolera okunonereza omukazi, ng'oti n'ente ye bali kutwala okwita, oba ensolo eri kuja okwingira mu lutuula,

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Luka 4:22

Boonaboona baasiima era beewuunhia inho ebibono ebiwoomu ebyali bimuvaamu, era baakoba bati: “Ono ti n'omwana wa Yosefu?”