Ensambo 1:8 - Baibuli Ekibono kya Katonda 2014

⁸ Mwana wange, owulirisanga inho lata wo by'akugalagira, era otavanga ku inhoko by'akwegeresa;

Ensambo 1:8 ပူးပေါင်းရင်းမြစ်များ

Ensambo 1:10

Mwana wange, abakozi ab'ebibi bwe bakusendasendanga toganhanga.

Ensambo 1:15

Mwana wange, otajiiranga ku bantu bali ng'oti n'abo, obeesambiranga irala;

Ensambo 2:1

Mwana wange, gemanga bye nkukoba, era otwalenga ebiragiro byange ng'eky'omughendo einho.

Ensambo 23:22

Wulirisanga lata wo, kuba n'eyakuzaala era otanhoomereranga inhoko, waire ng'akairiighe.

Ensambo 3:1

Mwana wange, oteerabiranga bye nkwegeresa, era idhukiranga byonabyona bye nkulagira.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Ensambo 31:1

Bino n'ebibono bya kyabazinga Lemueli ow'e Massa. Ebibono ebyo inhina n'eyabimwegeresa ng'akoba ati:

Ensambo 5:13

Nalobanga okuwulirisa abasomesa bange bye bankobanga, era naaloba kwisanga mwoyo ku bye bangalagiranga.

Ensambo 6:20

Mwana wange, gemanga ebyo lata wo by'akulagira, era otavanga ku ebyo inhoko by'akwegeresa.

Ensambo 7:1

Mwana wange, gemanga bye nkoba era otwalenga ebiragiro byange ng'eky'omughendo einho.

Yeremia 35:8

Kale tugondera ebyo byonabyona dhaadha waife Yonadabu bye yatulagira. Ife beene, ni bakazi baife, ni batabane baife, era ni baghala baife, titunhwera irala ku mwenge gwa mizabbibu naire.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Matayo 9:2

Tibwalwa, nga bamuleetera omuntu eyagogoma, ng'alambaire ku ndiri. Yesu bwe yabona okwikiriza kwaibwe, yaakoba omugogomu ati: “Guma omwoyo mwana wange, ebibi byo bikusoniyiibwa.”

Matayo 9:22

Yesu bwe yakyuka yaamubona, yaakoba ati: “Mughala iwe guma omwoyo okwikiriza kwo kukuwoniiza.” Era ku saawa eyo yeene omukazi yaawona.

2 Timotheo 1:5

Ndidhukira okwikiriza kwo okw'amazima okwatoolerera mu dhaadha wo Loi, ni kuja ni mu inhoko Eunike, era buti kwe nkakasa nti kuli ni mu iwe.

Ruthi 3:6

Kale Ruthi yaaja ghe bakubira sayiri era yaakola nga inhazaala we bwe yamukoba.

1 Samueli 2:25

Omuntu bw'asobya ye muntu mwine, Katonda amutabagania n'omuntu oyo, aye omuntu bw'asobya ye Musengwa Katonda, naani asobola okumuwolereza?” Aye tibaawulirisa iseibwe bye yabakoba kuba Musengwa Katonda yali amaze okusalagho okubaita.