Ensambo 1:5 - Baibuli Ekibono kya Katonda 2014

⁵ Omugezi bw'adhiwulira yeeyongera okwega era omutegeevu yaafuna okulambibwa.

Ensambo 1:5 ပူးပေါင်းရင်းမြစ်များ

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

Yobu 34:10

Kale muntegere kutu imwe abantu abategeevu. Tikisoboka waire akatono Katonda okukola ebibi; oyo Aghanga Ebintu Byonabyona okukola ebikyamu.

Yobu 34:16

“Kale oba nga oli mugezi, wulirisa kye nkoba.

Yobu 34:2

“Muwulirise bye nkoba imwe abantu abagezigezi. Muntegere kutu imwe abaidhi ebintu;

Yobu 34:34

Abantu abategeevu baidha kunkoba, era kiisi muntu ow'amagezi awulira bye ndhogera, aidha kunkoba ati,

Ensambo 12:1

Oyo asangaalira okugalagirwa aba ayenda okumanha, aye akyagha okunenezebwa aba ng'oti nsolo busolo.

Ensambo 14:6

Omunhoomi ni bw'ayagala amagezi tagafuna, aye omutegeevu ageega mangu.

Ensambo 18:15

Omuntu omutegeevu ayenda okwega, era omugezi anoonenkereza okumanha.

Ensambo 19:25

Omunhoomi ali n'okubonerezebwa, olwo abazira magezi basobole okwega; era bw'onenia omutegeevu yeeyongeraku okutegeera.

Ensambo 21:11

Omunhoomi bwe bamubonereza, olwo n'ole azira magezi ayega; aye omugezi bwe bamugalagira yeeyongera bwa kumanha.

Ensambo 8:33

Muwulirisenga bye mbagalagira mube bagezi, mutabigayaaliranga.

Ensambo 9:8

Otanenianga muntu yeekuluntaza, aja bwa kukukyagha. Aye onenianga muntu mugezi, kuba oyo aja kukusiima.

Ensambo 9:9

Bw'ogalagira omuntu omugezi yeeyogeraku okuba omugezi. Bw'oyegeresa omuntu akola ebituufu yeeyongeraku okwega.

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

1 Ab'e Korintho 10:15

Ndi kwogera n'imwe ng'ayogera n'abantu abategeera, mwesaliregho beene ku bye ndi kwogera.

Amateeka Agokubiri 4:6

Mubikuumenga era mubituukirizenga, kuba ekyo n'ekinaayolekanga abantu abamaghanga agandi nga bwe muli n'amagezi n'okutegeera. Bwe banaawuliranga amateeka ago goonagoona, baidha kukobanga bati, ‘Bwenebwene eighanga lino eikologho, lya bantu bagezi era abategeevu!’