Ensambo 1:30 - Baibuli Ekibono kya Katonda 2014

³⁰ Timwenda kujiira ku magezi gange, era munhooma okubanenia kwange.

Ensambo 1:30 ပူးပေါင်းရင်းမြစ်များ

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Zabbuli 119:173

Banga mwetegefu okumbeera buliidho, kuba nasalagho okujiiranga ku mateeka go.

Zabbuli 81:11

Aye abantu bange baaloba okumpulira! Isiraeli yaaloba okukolagana ninze!

Ensambo 1:25

Amagezi ge mbagha timugatwala ng'ekikulu, era timwenda ni mbanenia.

Ensambo 5:12

Olirira ng'okoba oti: “Kale lwaki nalobanga okugalagirwa? Era lwaki nanhoomereranga okunenezebwa?

Yeremia 36:23

Agho Yehudi bwe yamalanga okusoma ebitundu ebibiri oba ebina ku nzingo y'ekitabo eyo, nga kyabazinga abisalaku n'akambe akatono, ng'abisuula mu muliro. Yaakola atyo okutuusa enzingo y'ekitabo yoonayoona bweyawaagho okuya.

Yeremia 8:9

Abagezi baidha kuswazibwa, batye inho era baweemu n'amaani; kuba baaloba okwikiriza ebibono byange nze Musengwa Katonda. Kale agho magezi ki ge bali nago?