Danieli 9:13 - Baibuli Ekibono kya Katonda 2014

¹³ Aye waire akabi ako akaaghandiikibwa mu mateeka ga Musa kaatutuukaku, era titukweghembangaku iwe Musengwa Katonda waife otugemerwe ekivunika, waire okukyuka tuve mu bibi byaife tujiirenga ku mazima go.

Danieli 9:13 ပူးပေါင်းရင်းမြစ်များ

2 Bakyabazinga 22:16

Musengwa Katonda akoba ati, akabi akoogerwaku mu kitabo kino kyabazinga wa Buyudaaya ky'asomye, nja kukatuusa ku kifo kino ni ku bantu baamu.

Yobu 36:13

Abo abatatya Katonda basiba obusungu ku mwoyo. Bw'ababonereza tibamusaba kubayamba.

Zabbuli 119:18

Nzibula amaiso, nsobole okubona endhegeresa eyewuunhisa eri mu mateeka go.

Zabbuli 119:27

Iwe nhamba okutegeera amateeka go bye gakoba, olwo ndidha kwefumintirizanga inho ku byewuunhisa by'okola.

Zabbuli 119:73

Niiwe wampumba n'engalo dho wantaagho, nkusaba ompe okutegeera, memale ndhege ebiragiro byo kye binkoba.

Zabbuli 85:4

Wo Katonda iwe omulokozi waife, iramu okutugonza olekere agho okutusungughalira.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 42:9

Bona, ebintu bye nalangirira eira biibyo bituukiriire. Mpegaano nja kubakobera ebiyaaka, nga bikaali na kutoolera kubaagho.”

Isaia 43:22

Musengwa Katonda akoba ati: “Aye imwe Abaisiraeli baidhukulu ba Yakobo, nze mwamala mwaneesinwa bwesinwe, mwaloba okunsinza.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Isaia 9:13

Waire nga Musengwa Katonda Afuga Amagye yabonereza Abaisiraeli, aye era Abaisiraeli abo tibeeneniaku, waire okukyuka okwira y'ali.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Yeremia 31:18

Mpulira ab'omu Isiraeli abalira nga banakughaire, bati, ‘Wo Musengwa Katonda, twalinga ng'oti n'ensolo edhitafugibwangaku, aye iwe waatwegeresa okukugondera. Ganha otwize y'oli, kuba niiwe Musengwa Katonda waife.

Yeremia 44:23

Kano akabi akabatuuseeku mpegaano, kaligho lwa kuba mwaniokeza obubbaani bakatonda abandi, mwasungughaza Musengwa Katonda nga muloba okujiira ku mateeka ge ni ku biragiro bye byonabyona.”

Yeremia 44:27

Ndibatuusaaku okuzikirira, mu kifo ky'okubaleetera ebintu okubajiiranga obukalamu. Mwenamwena mulifa, ng'abandi bafiira mu ntalo ate abandi baafa endhala, okutuusa nga mwenamwena muweekereiregho.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Okulira 5:21

Wo Musengwa Katonda, twize y'oli, twidha kwira! Twirizeegho ekitiisa kyaife nga bwetwalinga eira.

Ezekieli 16:43

Olw'okuba tiwaidhukira bya mu buto bwo, aye waakolanga ebinsungughaza, kyendiva ni nkwesasuulizaaku. Kale lwaki ku bikolwa byo bire ebindi byonabyona ebyenhinhalwa, wayongerezaaku n'obwenzi?” Musengwa Katonda atyo bw'akobye.

Danieli 9:11

Abaisiraeli boonaboona baamenha amateeka go era baakyuka baakuvaaku, baaloba kugondera by'okoba. Olw'okuba twakola ebibi y'oli, kye wava n'otutuusaaku ebikolimo bye weerayirira okutusindikira, ebyaghandiikibwa mu mateeka ga Musa omugheereza wo.

Hosea 7:10

Okwekuluntaza okw'Abaisiraeli kubalumiriza omusango. Aye waire ng'ebyo byonabyona bibairegho, tibakyukangaku ni baira eri nze Musengwa Katonda waibwe.

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Hosea 7:7

Obusungu bwaibwe bwe butumbuka ng'oti muliro mu ziiko, olwo baatemula abafuzi baibwe. Era bajiire nga baita bakyabazinga baibwe mulala mulala, aye ghazira muntu waire omulala ati ansaba kubayamba.”

Luka 24:45

Agho yaigula emyoyo gyaibwe okutegeera Ebyaghandiikibwa,

Yoanne 10:35

Oba nga abo Katonda be yagha ekibono kye yabeeta bakatonda, ate nga Ebyaghandiikibwa tibisobola kudiba,

Yoanne 6:45

Kyaghandiikibwa mu balanzi kiti, ‘Boonaboona balyegeresebwa Katonda.’ Yeenayeena awulira ebya Lata n'ayega, aidha ye ndi.

Yoanne 8:32

Mulimanha amazima era amazima galibafuula ab'eidembe.”

Ab'Efeso 4:21

Nkakasa nga mwamuwuliraku, era imwe ng'ababe, mwayegeresebwa amazima agali mu Yesu.

Amateeka Agokubiri 29:4

Aye n'okutuusa mpegaano, Musengwa Katonda akaali kubagha kutegeera ebyo amaiso gaimwe bye gabona, n'amatu gaimwe bye gawulira.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.