Danieli 5:30 - Baibuli Ekibono kya Katonda 2014

³⁰ Obwire bwene obwo Beleshazzari oyo, kyabazinga Omubabilonia, yaitibwa.

Danieli 5:30 ပူးပေါင်းရင်းမြစ်များ

Isaia 47:9

Aye ebyo byombi birikwidhira mu kaseera buseera era ku lunaku lulala luti, waafiirwa abaana era wafuuka namwandu. Era waire eirogo lyo n'okulagula kwo, by'okozesa tibirikuwonia naire.

Yeremia 50:24

Iwe Babilonia, waanwanisa nze Musengwa Katonda, aye omutego gukugemiisa gwe nakutega nga toidhiiku naire.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:31

Abakwenda bali kwidhira kulalakulala, okukobera kyabazinga ow'e Babilonia bati ekibuga kye abazigu bakimenhiemenhie okuva ku ndhuyi dhoonadhoona.

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Amosi 6:7

Olw'ensonga eyo niimwe abalikulemberamu ku abo abalitwalibwa mu bunhage. N'ebibinuko byaimwe eby'ekigayaavu birikoma.