Danieli 2:31 - Baibuli Ekibono kya Katonda 2014

³¹ “Isebantu kyabazinga, iwe waja okulinga oti ng'obona ekiwumbe ekikologho nga kyemereire agho mu maiso go. Ekiwumbe ekyo kyali kikologho inho, nga kimesunkana era nga kitiisa inho okukiringaku.

Danieli 2:31 ပူးပေါင်းရင်းမြစ်များ

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Ezekieli 28:7

ndikusindikaku abantu abamaghanga agandi abasingayo obukambwe. Balikulumba mu lutalo, baazikiriza ebintu ebirungi bye wafuna mu magezi go, era baayonoona ekitiisa kyo.

Danieli 2:36

“Ekyo n'ekirooto kyo. Mperaano ni, Isebantu kyabazinga, ka tukukobere amakulu gaakyo.

Danieli 2:37

Iwe Isebantu kyabazinga, niiwe kyabazinga asinga mu bakyabazinga boonaboona. Niiwe Katonda ow'eigulu ye yagha obwakyabazinga, n'obukumu, n'amaani, n'ekitiisa.

Danieli 3:1

Kyabazinga Nebukadinezzari yaalagira baakola ekiwumbe ekya zaabu, nga mu buleeyi kigheza mita amakumi abiri na musanvu, ate mu bugazi kyagheza mita isatu. Era yaalagira baakita ku museetwe ogw'e Dura, mu kiketezo eky'e Babiloni.

Danieli 4:36

“Bwe nairamu okutegeera obukalamu, Katonda yandhiriza obwakyabazinga bwange nairamu okuba ow'ekitiisa era omukologho. Abawi bange ab'amagezi n'abakungu bange, baidha baaneisuusaayo era bandhiza ku bwakyabazinga bwange. Neeyongeraku okuba omukologho okusinga bwe nalinga.

Habakkuku 1:7

Abababilonia abo batiisa era beeraliikiriza bubi inho. Beidhi nga bonka n'ab'amaani, era ng'ezira iteeka libafuga.

Matayo 4:8

Kabiri Sitaani yaamutwala ku lusozi oluleeyi einho, yaamulaga obwakyabazinga obw'ensi n'ekitiisa kyabwo.

Luka 4:5

Agho Sitaani yaamutwala ku lusozi era mu kaseera akazira ghe kaaga yaamulaga obwakyabazinga bwonabwona.