Danieli 11:26 - Baibuli Ekibono kya Katonda 2014

²⁶ Abo beenebeene b'alya nabo ku kiiwulo, n'abalimuzikiriza. Balireetera abazigu be okughangula eigye lye, era baita abaisirukale be.

Danieli 11:26 ပူးပေါင်းရင်းမြစ်များ

2 Bakyabazinga 8:14

Agho Hazaeli yairayo ye Benihadadi musengwa we. Benihadadi yaamubuuza ati: “Elisha akukobye ki?” Hazaeli yairamu ati: “Ankobye ati bwenebwene oidha kuwona.”

Zabbuli 41:9

Ni mukagwa wange mwene ow'omukago ye nali neesiga era ye nalyanga naye, yeena aneefuuliire.

Danieli 11:10

“Batabane ba kyabazinga wa Siria oyo balitegeka okulwana olutalo, baasoloza eigye einene einho. Eigye eryo liriidha nga liri kubanda bubande ng'oti n'amaadhi ag'omwidhuzo, lyataalaala mu nsi eyo era lyatuukira irala ni mu kifo kya kyabazinga eky'okwewogomamu.

Danieli 11:22

Alyeyaagho yaazikiriza kiisi muntu yeenayeena aligezaaku okumulwanisa, ni bw'aliba Omukulu wa Bakabona ba Katonda.

Danieli 11:40

“Ekiseera eky'enkomerero eya kyabazinga wa Siria bwe kiriba nga kiri kumpi kutuuka, kyabazinga w'e Misiri alimulumba. Era kyabazinga wa Siria oyo aliziinhuuka okuja okumulwanisa ng'oti n'empewo eyeezungulula n'amaani bw'eidha. Alikozesa ebigaali eby'omu lutalo, n'abalwani ab'oku mbalaasi, n'amaato kamaala. Aliidha n'eigye lye eryo, lyalumba ensi kamaala nga liri kubanda bubande ng'oti n'amaadhi ag'omwidhuzo, era lyataalaalira mu nsi edho.

Matayo 26:23

Yesu yaabairamu ati: “Oyo akoza ninze mu kibya, oyo n'aidha okumpaayo.

Mariko 14:20

Yesu yaabakoba ati: “Mulala ku imwe Eikumi n'Ababiri ali kukoza ninze mu kibya.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’