Danieli 11:17 - Baibuli Ekibono kya Katonda 2014

¹⁷ “Kyabazinga oyo alikola entegeka, yaidha n'eigye ery'ensi ye lyonalyona nga mumalirivu okulumba. Alikola endagaano ey'emiraala ni kyabazinga w'e Misiri, era yaamugha mughala we amufumbirwe, olw'okwenda okuzikiriza obwakyabazinga bwe. Aye entegeka ye terimuyamba waire okutuukirira.

Danieli 11:17 ပူးပေါင်းရင်းမြစ်များ

2 Bakyabazinga 12:17

Mu kiseera ekyo Hazaeli kyabazinga wa Siria yaalumba ekibuga Gathi yaakighangula. Agho yaakyuka okuja okulwanisa ekibuga Yerusalemu.

2 Ebyomubyanda 20:3

Yehoshafati yaatya, yaasaba Musengwa Katonda ng'amweghemba, era yaalangirira ghabeegho okusiiba mu Buyudaaya mwonamwona.

Zabbuli 56:9

Ku lunaku lwe ndikusaba, oliiririzaayo abazigu bange einhuma; kuba ndidhi nti oli ku luuyi lwange.

Ensambo 19:21

Omuntu ategeka by'anaakola mu mwoyo gwe, aye Musengwa Katonda ky'asalagho n'ekibaagho.

Ezekieli 17:17

Ni bw'aba kyabazinga w'e Misiri n'eigye lye ery'amaani ery'abaisirukale abangi, talisobola kumuyamba mu lutalo, nga Abababilonia babunze emungo dh'eitaka edh'okuniiniraku okulumba, era nga bazimbye ekimante eky'okuzingiza abantu abangi babazikirize.

Ezekieli 25:2

“Iwe omuntu, amaiso go galingirize Abammoni, olange akabi akali kubaidhira.

Ezekieli 4:3

Olwo otoole olubaati, olusimbe lukole ng'ekisenge eky'ekyuma ghagati gh'ekibuga ekyo n'iwe. Omale amaiso go ogalingirize ekibuga ekyo, obe ng'oti bazigu bakizingiiza. Ako n'akanaaba akamanhiso eri eighanga lya Isiraeli.

Ezekieli 4:7

“Amaiso go galingirize ku Yerusalemu kye bazingiiza, osonkerere olwala lwo ku kibuga ekyo, era olange akabi akali kukiidhira.

Danieli 11:19

Agho kyabazinga oyo alikyusa yairayo mu bifo eby'okwewogomamu eby'omu nsi ye. Aye balimughangula era eyo n'eriba enkomerero ye.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Habakkuku 1:9

Boonaboona baidha okulwana nga bakambughaire, era entiisa yaibwe n'ebeesookayo emberi. Baasoloza abanhage abangi einho ng'oti musenho.

Matayo 12:30

“Oyo ataba ninze aba muzigu wange n'oyo atasololeza ghalala ninze asansaania.

Luka 11:23

Omuntu yeenayeena ataba ghalala ninze aba muzigu wange, ate oyo atasoloza ninze asansaania.

Luka 9:51

Agho enaku dha Yesu edh'okutwalibwa mu igulu bwe dhaatuuka, Yesu yaamalirira okuja e Yerusalemu.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?