Amosi 9:4 - Baibuli Ekibono kya Katonda 2014

⁴ Ni bwebalitwalibwa abazigu baibwe mu bunhage, era nja kulagira abantu babaite. Mmaliriire okubakola akabi, se ti kubayamba.”

Amosi 9:4 ပူးပေါင်းရင်းမြစ်များ

Amainhama 44:21

Agho, iwe waatukoba ife abairu bo oti, ‘Mumundeetere mmuboneku.’

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Zabbuli 34:17

Abatuufu bwe basaba okubeerwa, Musengwa Katonda abawulira yaabawonia, era yaatoolagho ebizibu byaibwe byonabyona.

Okuvaayo 14:24

Aye agho obwire nga buli kumpi okukya, Musengwa Katonda ng'ali mu muliro n'ekire, ebiri ng'oti mpango, yaalinga ghansi ku Bamisiri yaabaleetera okutya n'okusoberwa.

Yeremia 12:12

Abanhazi babisebise mu nsozi dhoonadhoona edh'omu irungu edhiziraku kantu. Nze Musengwa Katonda nsindiike olutalo okuzikiriza ensi eyo yoonayoona. Era ghazira muntu ali mu miraala.

Yeremia 21:10

Namala okusalagho obutasaasira kibuga kino, okutoolaku okukizikiriza nga nkighaayo mu ngalo dha kyabazinga ow'e Babilonia akyokye omuliro kiweeregho irala. Nze Musengwa Katonda, ninze nkobye.’ ”

Yeremia 24:6

Ndidha kubalabiriranga, mmale mbaize mu nsi eno. Ndibazimba, mu kifo ky'okubasansula, era naabasimba, mu kifo ky'okubaiwululagho.

Yeremia 39:12

“Muje mubone Yeremia gh'ali era mumulabirire bulungi. Mutamukola kabi koonakoona, aye mumukolere kyonakyona ky'ayenda.”

Yeremia 39:16

okukobera Ebedimeleki Omwethiopia nti: “Musengwa Katonda Afuga Amagye, Katonda wa Isiraeli, akoba ati, ‘Bona eno, ndituukiriza bye neesoomera ekibuga kino, naakireetera okuzikirira mu kifo ky'okukireetera ebintu okukijiiranga obukalamu. Ekyo ghe kiribeeragho, weena olibaagho waakibona.

Yeremia 44:11

“Kale ni, nze Musengwa Katonda Afuga Amagye, Katonda wa Isiraeli, nja kubeefuulira nzikirize Buyudaaya yoonayoona.

Ezekieli 5:12

Ndibaawulamu ebitundu bisatu: Abaliba mu kitundu ekisooka mulifa endwaire era mwalambuka endhala. Abaliba mu kitundu ekyokubiri muliitibwa mu ntalo edhiryezungulula ekibuga kyaimwe. Ate abaliba mu kitundu ekyokusatu ndibasansaaniza ku ndhuyi dhoonadhoona, empewo yaabatwaliriza. Era ndisowolayo empiima mu kiruutu yaaja ng'ebabingirira.

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Amosi 9:8

Bona eno, nze Musengwa Katonda ntaire eriiso lyange ku bwakyabazinga bwaimwe Abaisiraeli obwonooni. Era ndidha kubuzikiriza buve ku nsi kuno. Aye tiidha kuzikiriza nda ya Yakobo kugimaliriragho.

Zekaria 8:10

Ebiseera ebyo bwe byali nga bikaali kutuuka, tighaalingagho muntu asobola kusasulira mupakasi oba ensolo okumukolera omulimo. Era nga ghaziragho muntu atali mu bweraliikirivu bwa bazigu kumulumba, kuba naleetera abantu okukyaghagana.