Amosi 9:13 - Baibuli Ekibono kya Katonda 2014

¹³ Musengwa Katonda era akoba ati: “Bona eno, enaku dhiidha kutuuka, engaano ekule mangu okutuuka ku kukungulwa, nga n'abasizi bakaali kumala kusiga. Era emizabbibu giryenga mu bungi gyatuuka ni mu biseera eby'okusiga. Omwenge ogw'emizabbibu ogudhuudhuula guli kuuluula okuva ku nsozi ni mu busozi.

Amosi 9:13 ပူးပေါင်းရင်းမြစ်များ

Amainhama 49:11

Aja yaasiba endogoyi ye ento mu isamba ly'emizabbibu, ku muzabbibu ogusinga bulungi. Yaayoza ebivaalo bye mu mwenge omumyufu ogw'emizabbibu.

Zabbuli 97:5

Ensozi dhisaanuuka ng'oti muzigo aghaba Musengwa Katonda, oyo Musengwa Katonda afuga ensi yoonayoona.

Isaia 16:10

Tighakaaligho muntu asanhukiraku mu masamba ago amagimu, waire okwemberaku enhembo mu mizabbibu, oba okwasiikaniramu. Ghazira akunha mizabbibu kugikolamu mwenge, era emizira gy'abakunhi ngikomiiza.

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Ezekieli 28:26

Baligibaamu mu miraala, baazimba amayumba, baasimba n'amasamba ag'emizabbibu. Baliba mu miraala bwe ndisala omusango ni mbonereza baliraanwa baibwe boonaboona abaabanhoomanga. Olwo balimanha nga ninze Musengwa Katonda.”

Ezekieli 36:35

Era balikoba bati, ‘Eno ensi eyali erekeibwa obwagho etyo ng'eri bifulukwa byereere, buti efuuse ng'oti n'enimiro ey'e Edeni! N'ebibuga ebyali byonooneibwa era nga byona birekeibwa bw'agho bityo nga biri bifulukwa byereere, buti birimu abantu era byezungulwirwa ebimante ebigumu!’

Yoeli 2:24

Ebifo aghakubirwa engaano biriidhula engaano, n'ebikunhiro eby'omwenge ogw'emizabbibu byaidhula omwenge, era n'ebifo aghakamulirwa omuzigo ogw'ebibala eby'emiti emyoliva byona byaidhula omuzigo.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.

Yoeli 3:20

Aye mu Buyudaaya ni mu Yerusalemu, mwidha kubangamu abantu ebyanda n'ebyanda.

Abalevi 26:5

Ebirime byaimwe binaabalanga inho, mwakuba engaano okutuukiza irala ni mu biseera eby'okunoga emizabbibu, era mwanoga emizabbibu okutuukiza irala ni mu biseera eby'okusigiramu engaano. Munaalyanga emere mwaiguta, era munaabanga n'emiraala mu nsi yaimwe.

Amosi 9:5

Musengwa Katonda afuga amagye agema ku nsi, ensi yaatengeeta n'abantu boonaboona baagemwa enaku. Ensi esiikuuka yeefuukuula ng'oti n'omwiga Kiyira.

Yoanne 4:35

Koodhi timuli na nsambo yaimwe mbu, ‘Ebula myezi ena nga tukungula.’ Aye ka mbakobere: Mulingirire ebiri mu musiri mubone bwe bituuse okukungula.

Abalamuzi 5:5

Musisi yatengeesa ensozi mu maiso ga Musengwa Katonda ow'e Sinai, Musengwa Katonda oyo Katonda owa Isiraeli.