Amosi 8:6 - Baibuli Ekibono kya Katonda 2014

⁶ Tutunde n'obukaba obuva ku ngaano. Era tugule abaavu abatasobola kusasula mabandha agababandhibwa, waire okusasula omughendo ogugula omuyimbo gw'engaito, babe bairu baife.”

Amosi 8:6 ပူးပေါင်းရင်းမြစ်များ

Nehemia 5:8

Agho naabakoba nti: “Tukoze inho nga bwe tusobola, twanunula baganda baife, Bayudaaya banaife, okubatoola mu maghanga agandi ye baatundibwa. Aye mperaano mwena muli kutunda baganda baife abo, ife beene tubagule!” Abakulembeze abo baasiriikirira ng'eky'okwogera kibabuze.

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Yoeli 3:3

Baakubira obululu ku bantu bange, baaghaayo abalenzi okusasulira abakazi bamalaaya, era baaghaayo abaghala okubagulamu omwenge, era baagunhwa.

Yoeli 3:6

Mwatoola abantu b'omu Buyudaaya n'ab'omu Yerusalemu mu nsi yaibwe, mwabatwaliriza eghala, mwabaguza Abagureki.

Amosi 2:6

Musengwa Katonda akoba ati: “Abantu Abaisiraeli bakoze ebibi emikuzi kamaala. N'olw'ensonga eyo nteekwa buteekwe okubabonereza kuba batunda abantu abatuufu mu bwiru, olw'obutasobola kusasula mabandha agababandhibwa. Era baatunda abaavu, olw'obutasobola kusasula waire omughendo ogugula omuyimbo gw'engaito.

Amosi 3:9

Mulangirire eri ababa mu bisaagaati mu Ashidodi n'eri ababa mu bisaagaati mu nsi Misiri. Mubakobe muti: “Mwesololeze ku nsozi dha Samaria mubone ebikolwa eby'obukambwe ebitiisa, n'eby'okutuntuzibwa ebikolebwa mu Samaria.”

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 8:4

Imwe abatyankirira abateeghanga era ni muzikiriza abaavu mu nsi eno, muwulire bino:

Zekaria 5:6

Naamubuuza nti: “Kiki ekyo?” Yairamu ati: “Kiibo, era kitegeeza ekibi eky'ensi yoonayoona.”