Amosi 8:5 - Baibuli Ekibono kya Katonda 2014

⁵ Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Amosi 8:5 ပူးပေါင်းရင်းမြစ်များ

2 Bakyabazinga 4:23

Iba yaamubuuza ati: “Lwaki oli kuja y'ali olwaleero, ate nga ti lunaku lwa Sabbato waire okuba olw'Ekibinuko eky'Okuboneka kw'Omwezi?” Omukazi yairamu ati: “Iwe otafaayo.”

Okuvaayo 31:13

“Koba abantu Abaisiraeli oti mukuzenga olunaku lwange olwa Sabbato, kuba n'akamanhiso ghagati ghange n'imwe, n'abaana baimwe, n'abaidhukulu ense n'ense olwo mughange okumanha nga nze Musengwa Katonda ninze mbatukuza.

Ensambo 11:1

Musengwa Katonda akyagha abakozesa minzaani enkyamu, aye abakozesa ebipimo ebituufu abasiima.

Ensambo 16:11

Ebipimo ebituufu Musengwa Katonda by'ayenda bikozesebwe mu kupima; amabaale goonagoona agakozesebwa n'eyagakola.

Ensambo 20:23

Musengwa Katonda yeenhinhata abo abakozesa ebipimo ebitali bituufu, era yaakyagha abakozesa minzaani enkyamu.

Isaia 1:13

Mulekere agho okuleetanga ebigheebwayo ebiziramu makulu. Obubbaani bwe muniokeza buneenhinhasa, oteeku n'Ebibinuko eby'Okuboneka kw'Omwezi bye mukuza, n'enaku dha Sabbato dhe mukuza, n'okwesoloza kwaimwe okw'okusinza. Tisobola kuguminkiriza bibi byaimwe, ni nguminkiriza na kwesoloza kwaimwe okwo okw'okusinza.

Isaia 58:13

Musengwa Katonda akoba ati: “Bwe munaakuumanga Sabbato ni mutagikoleraku byaimwe bye mwenda, aye n'eba olunaku lwange olutukuvu, lwe mutaamu ekitiisa ni mutalutambuliraku ngendo, waire okulukoleraku emirimo, oba okulwogereraku ebitasaana,

Hosea 12:7

Musengwa Katonda akoba ati: “Abaisiraeli ti beesigwa, bali ng'oti basuubuzi abakozesa minzaani enkyamu, okuseera be basuubulagana nabo.

Hosea 12:8

Bakoba bati, ‘Tuli bakombe, era ebintu ebingi bye tuli nabyo, ghazira asobola kutulumiriza ati twabifuna mu kukupankupania.’

Abalevi 19:36

Mukozesenga minzaani entuufu nga n'ebipimo byonabyona bituufu. Ninze Musengwa Katonda waimwe, eyabatoola mu nsi Misiri.

Zekaria 5:6

Naamubuuza nti: “Kiki ekyo?” Yairamu ati: “Kiibo, era kitegeeza ekibi eky'ensi yoonayoona.”

Zekaria 5:8

Malaika yankoba ati: “Omukazi oyo ategeeza ekibi.” Agho yaasiinhira omukazi okumwiza mu kiibo, era yaakiizaaku ekisandikira kyaku ekizito.

Malaki 1:13

Mukoba muti, ‘Bino nga tubikooye’, era mwaneesimooza. Mwaleeta ensolo dhe munhaze obunhage, oba enema, oba endwaire, mwadhighaayo ye ndi ng'ebigheebwayo byaimwe. Olwo mulowooza muti nze Musengwa Katonda nsobola okusiima ebigheebwayo ng'oti n'ebyo, ebiva mu ngalo dhaimwe?

Okubala 10:10

Aye era ni mu biseera byaimwe eby'eisanhu, ni ku mbaga edh'ebibinuko byaimwe ebyalagirwa, ni ku ntadiikwa y'omwezi, mwidha kufuuwanga amagwala nga muleese ebigheebwayo byaimwe ebyokebwa n'ebigheebwayo byaimwe olw'okutabagana. Ekyo kiidha kundeeteranga nze Katonda waimwe okubaidhukira. Ninze Musengwa Katonda waimwe.”

Ab'e Kolosai 2:16

Kale ole atabasaliranga musango olw'ekyo kye mulya oba kye munhwa, oba ku lw'ebyo ebigema ku bibinuko eby'eby'ensinza, oba eby'Okuboneka kw'Omwezi, oba Sabbato.

1 Samueli 20:5

Daudi yaakoba Yonathani ati: “Bona eno, enkyo n'olunaku olw'Ekibinuko eky'Okuboneka kw'Omwezi. Era nandibaire nga nteekwa okutyama ni kyabazinga okulya. Aye ndeka nje neegise mu nsiko okutuusa eigulo ly'olunaku olunairirira olwenkyo.