Amosi 8:2 - Baibuli Ekibono kya Katonda 2014

² Yambuuza ati: “Amosi, kiki ky'oli kubona?” Naamwiramu nti: “Ndi kubona ekiibo eky'ebibala ebituuse okulya.” Agho Musengwa Katonda yankoba ati: “Ekiseera kituuse eky'okuzikiriza abantu bange Abaisiraeli. Tija kabiri kwirayo kukyusa kidhuubo kyange ni ndoba kubabonereza.

Amosi 8:2 ပူးပေါင်းရင်းမြစ်များ

Amainhama 6:13

Katonda yaakoba Noa ati: “Nsazeegho okuzikiriza abantu boonaboona, kuba baleeteire ensi okwidhula ebikolwa byaibwe eby'obukambwe.

Isaia 28:4

Ekitiibwa ky'abakulembeze abo abatamiivu kiriwaagho mangu ng'oti n'ebibala by'emiti emitiini ebisookereza okwenga, abantu bye babona ni babinoga, era ni babirya amangu geene nga byakenga.

Yeremia 40:10

Nze mwene ndidha kuba e Mizipa nsobole okuboogereragho imwe nga Abababilonia baidhie ye tuli. Aye imwe muje mube mu byalo byaimwe, musoloze era mutereke omwenge ogw'emizabbibu, n'ebibala eby'ekyengera, n'omuzigo ogw'ebibala eby'emiti emyoliva.”

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Okulira 4:18

Ng'abazigu batulondoola buli ghe tuta ekigere, baatutiisa n'okutambulira mu nguudo, twawulira mule nga okufa tikuli ghala, ng'enaku dhisigaireyo mbale bubale.

Ezekieli 12:23

Kale ni bakobere oti nze Musengwa Katonda ndireetera ensambo eyo okukoma. Tibaliirayo kugikozesa mu Isiraeli kabiri. Era bakobe oti ekiseera kituuse ebyalangibwa mu kwolekebwa byonabyona bituukirizibwe.

Ezekieli 29:8

Kale ni, nze Musengwa Katonda kyenva ni nkoba nti: Bona eno iwe ensi Misiri, ndikusindikira olutalo, lwakwitamu abantu n'ensolo.

Ezekieli 3:10

Era Katonda oyo yankoba ati: “Iwe omuntu, tega kutu owulire byonabyona bye nja okukukoba era obiteeku omwoyo.

Ezekieli 3:7

Aye ab'eighanga lya Isiraeli tibaidha kukuwulirisa, kuba tibenda kuwulira nze bye mbakoba, olw'okuba ba mpwitu era baakalanguka emyoyo.

Ezekieli 7:6

Bona, enkomerero etuuse. Bwenebwene ebaidhiire era yiiyo etuuse.

Ezekieli 8:12

Katonda yankoba ati: “Iwe omuntu, oboine abakulembeze ab'eighanga lya Isiraeli bye bali kukola mu nzikiiza? Buli muntu ali kusinziza mu kisenge omuli ebifaananie. Bakoba bati, ‘Musengwa Katonda tatubona, era yalekulira agho ensi yaife.’ ”

Ezekieli 8:17

Musengwa Katonda era yambuuza ati: “Iwe omuntu, oboine ebyo? Abantu b'omu Buyudaaya bakibona nga kintu kitono inho okukola ebyenhinhalwa ebyo bye bakola ghano. Bongera okwo n'okwidhuza ensi eno ebikolwa eby'obukambwe, era bansoononkereza nhongere okubasungughalira. Kale bona nga bwe bandhooga mu nsambo esingayo kuba ya bunhoomi.

Ezekieli 8:6

Era Katonda yankoba ati: “Iwe omuntu, oli kubona bye bali kukola? Oli kubona ebyenhinhalwa ebibitiriire, Abaisiraeli bye bali kukolera ghano, ebindeetera okwesamba eisinzizo lyange ni mba eghala einho nalyo? Aye ate oidha kubona ebyenhinhalwa ebibitiriire einho ebisinga n'agho.”

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Amosi 7:8

Agho yambuuza ati: “Amosi, kiki ky'oli kubona?” Naamwiramu nti: “Ndi kubona omugugha ogupima.” Olwo yankoba ati: “Ndi kukozesa omugugha ogupima okwoleka nti abantu bange Abaisiraeli, bali ng'oti n'ekimante ekitatereire. Kale nteekwa buteekwe okubabonereza.

Amosi 8:1

Kabiri Musengwa Katonda yandholeka bino: naja okulinga nti nga mbona ekiibo eky'ebibala ebituuse okulya.

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Zekaria 5:2

Malaika yambuuza ati: “Kiki ky'oli kubona?” Nairamu nti: “Ndi kubona enzingo y'ekitabo ng'eri kugulukira mu ibbanga. Obuleeyi bwayo buli mita mwenda, ate obugazi bwayo bwaba mita ina n'ekitundu.”