Amosi 8:12 - Baibuli Ekibono kya Katonda 2014

¹² Abantu balitambulatambula eyo batyo okuva ku nhandha okutuuka ku nhandha, n'okuva ku luuyi olw'omukono omugooda olw'e buvandhuba okutuuka ku luuyi olw'omukono omusaadha era olw'e buvandhuba. Balirumukira eno n'ere nga baagala ghe banaawulira ku kibono kyange, aye tighaliba ghe bakyagaana.

Amosi 8:12 ပူးပေါင်းရင်းမြစ်များ

Ensambo 1:28

olwo mulindheta aye naabasiriikirira, mulindhagala mu buli kankondo aye nga timulimbona.

Ensambo 14:6

Omunhoomi ni bw'ayagala amagezi tagafuna, aye omutegeevu ageega mangu.

Ensambo 29:18

Bwe ghabula okugalaga okuva ye Katonda abantu bataamuuka eyo batyo, aye wa nkabi oyo ajiira ku mateeka ga Katonda.

Ezekieli 20:3

“Iwe omuntu, yogera n'abakulembeze ab'omu Isiraeli abo obakobe oti nze Musengwa Katonda ndi kubakoba nti: Mwidhie kuneebuuzaaku? Aye ni, nze Musengwa Katonda ndayira nti nga bwendi omulamu tiidha kubaganha naire kuneebuuzaaku.

Ezekieli 20:31

Ni ye buli eno mukeeyonoona nga musinza ebitali nze Katonda, mwaghaayo ebigheebwayo byaimwe, era mwaghaayo n'abaana baimwe bookebwe mu muliro ng'emisengo. Memale ng'obwo era imwe abantu ab'eighanga Isiraeli mwidha mbu kuneebuuzaaku? Bwenebwene nze Musengwa Katonda ndayira nti nga bwendi omulamu, tija kubaganha kuneebuuzaaku.

Danieli 12:4

Agho yankoba ati: “Mperaano ni, iwe Danieli, wumbaku ekitabo ekyo okisibeku n'akamanhiso, okutuusa ku kiseera eky'enkomerero. Abantu kamaala balizungira eno n'ere nga benda okwongera ku bumanhi bwaibwe.”

Hosea 5:6

Ni bwebalija okunoonia Musengwa Katonda bagheeyo ku mbuzi, ni ku nte, ni ku ntaama dhaibwe ng'emisengo, tibalimuzuula gh'ali; kuba yabavaaku.

Matayo 12:30

“Oyo ataba ninze aba muzigu wange n'oyo atasololeza ghalala ninze asansaania.

1 Samueli 3:1

Agho mu biseera ebyo, omulenzi Samueli yali agheereza Musengwa Katonda nga Eli n'amulabirira. Era Musengwa Katonda yali tatera kwogera na bantu, waire okubabonekera.