Amosi 7:17 - Baibuli Ekibono kya Katonda 2014

¹⁷ Musengwa Katonda ali kukukoba iwe Amazia ati, ‘Mukazi wo aidha kuba malaaya mu kibuga, ate batabane bo ni baghala bo babaitire mu lutalo. Eitaka lyo baidha kulipima n'omugugha baligabane, n'iwe mwene baidha kukutwala mu nsi etali nongoofu y'olifiira. Era Abaisiraeli bateekwa okutwalibwa mu bunhage bave mu nsi yaibwe.’ ”

Amosi 7:17 ပူးပေါင်းရင်းမြစ်များ

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Isaia 13:16

Abaana baibwe abaghere balibakuba ghansi, baabamanhiangula okutuusa okufa, nga balingiriire bulingirire. Endhu dhaibwe balidhinhagululamu ebintu, ni bakazi baibwe baabagema baabakaka.”

Isaia 22:18

Bwenebwene alikusikambulasikambula, yaakukanhuugirira ere ng'oti mupiira, waagwa eyo mu nsi enene. Olifiira eyo, n'ebigaali byo eby'omu lutalo bye weesuuta nabyo byasigala eyo. Bwenebwene oswaza n'okuswaza ab'endhu ya musengwa wo.

Yeremia 14:16

N'abantu be bakobera obulanzi obwo boona baliitibwa mu nsambo n'endala. Emirambo gyaibwe, ghalala n'egya bakazi baibwe, n'egya batabane baibwe ni baghala baibwe, gija kusuulibwa mu nguudo dha Yerusalemu, nga ghazira na muntu agiziika mu nsambo eyo mbeesasuulizeeku olw'ebibi byaibwe.”

Yeremia 20:6

N'iwe Pashuhuri, balikugema baakutwala e Babilonia ghalala n'ab'omu maka go boonaboona. Era eyo y'olifiira, waaziikibwa iwe ni bakagwa bo boonaboona be wakoberanga obulanzi obw'obuguya.’ ”

Yeremia 28:12

Ebyo nga bimaze okuwa, Musengwa Katonda yankoba

Yeremia 28:16

Kale ni, Musengwa Katonda mwene akoba ati aja kukutoola ku nsi. Oidha kufa ng'omwaka guno gukaali kuwaaku, olw'okukoba abantu badheemere Musengwa Katonda oyo.”

Yeremia 29:21

“Musengwa Katonda Afuga Amagye, Katonda wa Isiraeli, bino by'ayogera ku Ahabu mutabane wa Kolaia ni ku Zedekia mutabane wa Maaseia, abaja nga babakobera imwe eby'obuguya nga bakozesa eriina lye. Akoba ati alibaghaayo mu ngalo dha kyabazinga Nebukadinezzari ow'e Babilonia, yaabaita nga mubona muti.

Yeremia 29:25

Musengwa Katonda Afuga Amagye, Katonda wa Isiraeli, akoba ati: Waghandiika embaluwa ku bubwo iwe mwene, waadhigheereza eri abantu boonaboona mu Yerusalemu, n'eri Zefania kabona mutabane wa Maaseia, n'eri bakabona abandi boonaboona, nga dhikoba dhiti,

Okulira 5:11

Abazigu abo baagema abakazi baife n'abaghala abaguna baabakaka, mu Sioni era ni mu bibuga ebindi eby'omu Buyudaaya.

Ezekieli 4:13

Agho Musengwa Katonda yaakoba ati: “Batyo Abaisiraeli bwe banaalyanga emere etali nongoofu, bwe baliba nga bali eyo mu maghanga ye ndibasansaaniza.”

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Amosi 6:7

Olw'ensonga eyo niimwe abalikulemberamu ku abo abalitwalibwa mu bunhage. N'ebibinuko byaimwe eby'ekigayaavu birikoma.

Amosi 7:11

Ali kukoba ati, ‘Kyabazinga Yeroboamu aja kufiira mu lutalo, era Abaisiraeli baja kutwalibwa mu bunhage bave mu nsi yaibwe!’ ”

Amosi 8:1

Kabiri Musengwa Katonda yandholeka bino: naja okulinga nti nga mbona ekiibo eky'ebibala ebituuse okulya.

Amosi 9:1

Nabona Musengwa Katonda ng'ayemereire ku mbali kw'alutaari, era yaalagira ati: “Kuba emitwe egy'empagi edh'eisinzizo okutuusa lwe linaatengeeta. Era menha emitwe egy'empagi edho dhikube emitwe egy'abantu boonaboona. Abo abataafe mu nsambo eyo, ndidha kubasindika bafiire mu lutalo. Ku abo ezira aja kulumukagho waire okuwonagho.

Amosi 9:8

Bona eno, nze Musengwa Katonda ntaire eriiso lyange ku bwakyabazinga bwaimwe Abaisiraeli obwonooni. Era ndidha kubuzikiriza buve ku nsi kuno. Aye tiidha kuzikiriza nda ya Yakobo kugimaliriragho.

Mika 1:16

Mumweku enviiri okwoleka nga muli kulira abaana baimwe be mugonza. Mughalagate emitwe mube n'empaata ng'oti nsega, kuba abaana baimwe baja kutwalibwa mu bunhage.

Zekaria 14:2

Musengwa Katonda akoba ati alisoloza abantu b'amaghanga goonagoona, baalumba Yerusalemu mu lutalo. Balikighangula, baanhagulula ebintu mu mayumba, era baagema abakazi baabakaka. Ekitundu ku bantu baamu balitwalibwa mu bunhage, aye abalisigalagho tibalitoolebwa mu kibuga.