Amosi 7:15 - Baibuli Ekibono kya Katonda 2014

¹⁵ Eyo Musengwa Katonda ye yantoola ku gw'okwaya ensolo, yankoba ati, ‘Ja olange eri abantu bange Abaisiraeli.’

Amosi 7:15 ပူးပေါင်းရင်းမြစ်များ

2 Samueli 7:8

“Kale ni oidha kukoba omugheereza wange Daudi oti nze Musengwa Katonda Afuga Amagye nkoba nti, ‘Nakutoola ku gw'okwayanga entaama mu byayiro, naakufuula omukulembeze ow'abantu bange Abaisiraeli.

1 Bakyabazinga 19:19

Kale Eliya yaaja, yaayagaana Elisha mutabane wa Shafati ng'ali kulimisa ente yali n'emiyimbo gy'ente ikumi n'ebiri agho, nga mu kiseera ekyo yali ali kulimisa omuyimbo ogweikumi n'ebiri. Agho Eliya yaabita gh'ali, yaamusuulaku ekivaalo kye.

Yeremia 1:7

Aye Musengwa Katonda yankoba ati: “Otakoba oti okaali muto inho. Aye oidha kuja eri abantu eyo yoonayoona ye nnaakutuma, obakobere byonabyona bye nnaakulagira okwogera.

Yeremia 26:12

Agho naakoba nti: “Musengwa Katonda yantuma okulangirira ebyo byonabyona ebirituuka ku isinzizo lino ni ku kibuga kino, bye muwuliire nga nkoba.

Amosi 3:8

Empologoma bw'ewologoma, naani asobola obutatya? Musengwa Katonda bw'ayogera, naani aghanga okuloba okulangirira obukwenda bwe?

Matayo 9:9

Agho Yesu bwe yali ng'atambula, ng'ava eyo, yaabona omuntu ng'atyaime ghe bawooleza, nga bamweta Matayo, era yaamukoba ati: “Nnonereza.” Yaasituka yaamunonereza.

Ebikolwa by'Abatume 1:8

Aye mulifuna amaani Mwoyo Mutukuvu lw'alibaidhaku, mwaba badhulizi bange mu Yerusalemu, ni mu Buyudaaya mwonamwona, ni mu Samaria, n'okutuusa ensi y'ekoma.”

Ebikolwa by'Abatume 4:20

Kuba ife titughanga naire butayogera bye twabona ni bye twawulira.”

Ebikolwa by'Abatume 5:20

“Muje mugheereze mu isinzizo mukobere abantu ebibono byonabyona eby'Obulamu buno.”

1 Samueli 10:11

Abantu boonaboona abaali bamwidhi okuva eira bwe baamubona ng'ali kulanga ghalala n'abalanzi, beebuuzagania beene na beene bati: “Kiki ekituuse ku Saulo mutabane wa Kishi? Obwo yeena abalirwa mu balanzi?”