Amosi 6:8 - Baibuli Ekibono kya Katonda 2014

⁸ Musengwa Katonda afuga amagye, alayiire ati: “Neesiniirwa okwekuluntaza kw'Abaisiraeli, era endhu dhaibwe edhibeeyagaza tidhiinhoonha naire. Kye ndiva ni mpaayo ekibuga kyaibwe ekikulu n'ebikirimu byonabyona eri abazigu baibwe.”

Amosi 6:8 ပူးပေါင်းရင်းမြစ်များ

Amainhama 22:16

yaakoba ati: “Musengwa Katonda akoba ati ndayiire mu liina lyange nti, kuba okoze otyo n'oloba kuunhima mwana wo omulala ati bedengedenge,

Zabbuli 106:40

Agho obusungu bwa Musengwa Katonda bwatumbukira ku bantu be abo ng'oti muliro, Musengwa Katonda oyo yaatuuka okwesinwa abantu be abo beene be yeerondera.

Zabbuli 47:4

Yatulondera ensi mwe tuli, mwe twesiimira ife abantu be b'agonza.

Zabbuli 50:12

Ni bwenandibaire endhala, tinandibakobye kumpa mere, kuba ensi yoonayoona n'ebigirimu byange.

Zabbuli 78:59

Katonda bwe yabona ebyo yaidhula ekiruyi, era yaabatooleraku irala omwoyo.

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Isaia 28:1

Obwakyabazinga bwa Isiraeli bukagwireku, olw'abantu baamu okwekuluntaza n'okuba abatamiivu. Ekitiibwa kyaibwe kiri kuwaagho, ng'oti n'engule dh'ebimuli edhinialiire ku mitwe gy'abakulembeze baibwe, abatamiira ni bawaamu.

Yeremia 12:8

Abantu bange be neerondera banfuukiire ng'oti mpologoma bw'ewologomera mu kibira, bankaabukira nga banvuma. Kyenviire ni mbakyagha.

Yeremia 22:14

Akagwireku oyo akoba mule ati, ‘Ndidha kwezimbira endhu enkologho, ng'eriku ebisenge ebya ghaigulu ebigazi. Ngiteeku amadinisa, ngidholigedholige n'embaawo edh'omuvule, era ngisiige langi ya kasaayisaayi.’

Yeremia 22:5

Aye bwe mutaagonderenga bye ndagira, nze neerayirira mwene nti ekisaagaati kino eky'obwakyabazinga kija kufuuka bifulukwa byereere. Nze Musengwa Katonda, ninze nkobye.”

Yeremia 44:26

Aye mperaano, muwulire nze Musengwa Katonda kye neeyamye eri imwe mwenamwena Abaisiraeli abali mu Misiri. Neeyamye mu liina lyange ery'amaani nti tija kuganha muntu waire omulala ati ku imwe, okwirayo okukozesa eriina lyange mu kulayira, ng'akoba ati, ‘Nga Musengwa Katonda bw'ali omulamu.’

Yeremia 49:13

Nze ndayira mu liina lyange mwene nti ekibuga Bozira kirifuuka ekintu ekitiisa einho, abantu baakisekerera era baakozesa eriina lyakyo ng'ekikolimo. Ebyalo byonabyona ebikiri okumpi birifuuka bifulukwa byereere eby'olubeerera. Nze Musengwa Katonda, ninze nkobye.”

Yeremia 51:14

Musengwa Katonda Afuga Amagye yeerayiriire mwene ati alireeta abantu kamaala inho ng'oti kikuukuulu kya nzige, baalumba Babilonia. Era balyasiikana n'eisanhu nga baghangwire.

Okulira 2:5

Musengwa yafuuka ng'oti muzigu wa Baisiraeli yaabazikiriza; yaazikiriza ebisaagaati eby'abakungu byonabyona era yaamenhamenha ebifo eby'okwewogomamu byafuuka bifulukwa byereere. Yaaleetera okulira mu Bayudaaya okweyongera.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Hosea 11:6

Abazigu balirumba ebibuga byaibwe, baamenhamenha endhigi dhaabyo. Era balibazikiriza olw'okukola ebyo beene bye baayendanga.

Abalevi 26:11

Nnaabanga mu imwe, era tiibakyaghenga.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Amosi 3:11

Kyova abazigu baliidha baazingiza ensi yaibwe, baamenhamenha ebimante byaibwe ebigumu era baanhaga eby'omu ndhu dhaibwe.”

Amosi 4:2

Musengwa Katonda alayiire mu butukuvu bwe ati: “Ekiseera kiidha kutuuka abantu babatunge ku malobo, babaghaluudhanie ng'oti n'ebyenhandha bwebabighaluza mu maadhi mwenamwena muja kuba ng'oti n'ebyenhandha ebiri ku malobo.

Amosi 5:21

Musengwa Katonda akoba ati: “Nsiniirwa era tibona makulu mu bibinuko byaimwe. Era timuunhoonha naire, bwe mwesoloza okwidha okunsinza.

Amosi 8:3

Ku lunaku olwo, edhibairenga enhembo dhe bembera mu isinzizo, dhirifuuka maliro. Ghalibaagho emirambo kamaala inho, nga giri kusuulibwa buli ghantu mu kasirise.” Musengwa Katonda atyo bw'akoba.

Amosi 8:7

Musengwa Katonda, Katonda wa Isiraeli alayiire ati: “Bwenebwene tija kwerabira waire ekirala ku bikolwa byaimwe ebibi.

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Amateeka Agokubiri 32:19

Musengwa Katonda bwe yakibona, yaasungughala. Yaakyagha batabane be ni baghala be abo.