Amosi 6:5 - Baibuli Ekibono kya Katonda 2014

⁵ Mwembera ku ntongooli enhembo edh'ekigayaavu, era mweyiiyiza beene ebivuga ng'oti ni Daudi bwe yakola.

Amosi 6:5 ပူးပေါင်းရင်းမြစ်များ

Amainhama 31:27

Lwaki waanumukaku mu ngiso, ni weiba nga tonkobeire. Nandibaire nkusiibwire nga tuli kusagamba era nga tuli kwembera ku bugoma ni ku ndingidi.

1 Ebyomubyanda 15:16

Daudi yaalagira abakulu b'Abalevi bateegho Balevi banaibwe, bembe n'amaani enhembo edh'eisanhu nga bakubiraku entongooli, n'endingidi, n'ebide.

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

2 Ebyomubyanda 29:26

Abalevi baayemerera nga bagemye n'ebivuga bya Daudi, ni bakabona boona baayemerera nga bagemye amagwala.

Omulangirizi 2:8

Naasoloza feeza, ni zaabu, n'eby'obukombe ebindi kamaala okuva mu biketezo bye nafuganga. Naataagho abasaadha n'abakazi abaanhemberanga, era naaba n'abakazi ab'embali ng'omusaadha yeenayeena bwe yaalyenze.

Isaia 5:12

Ebibinuko byaibwe bibaaku endingidi, entongooli, obugoma n'endere, era n'omwenge gw'emizabbibu. Aye tibalowooza ku ebyo Musengwa Katonda by'akola, waire okubifaaku naire.

Ezekieli 26:13

Ndirekeza abantu okwembera mu iwe enhembo, naasirisa n'entongooli dho dhoonadhoona nga tidhikaawulirwaku naire.

Amosi 5:23

Mulekere agho okundhasiikanira mbu munhembera. Era tiidha kuwulirisa kuvuga kwa ntongooli dhaimwe.

Amosi 8:3

Ku lunaku olwo, edhibairenga enhembo dhe bembera mu isinzizo, dhirifuuka maliro. Ghalibaagho emirambo kamaala inho, nga giri kusuulibwa buli ghantu mu kasirise.” Musengwa Katonda atyo bw'akoba.

1 Petero 4:3

Mu biseera ebyabita mwali n'obwire obumala okukola ebyo abantu ab'ensi bye benda. Mwemaliranga mu bwenzi, mu bukaba, mu butamiivu, mu kuja ku bibinuko ebibi, ni mu kusinza ebintu ebitali Katonda ebyenhinhalwa.

Okwolekebwa 18:22

Enhembo edh'abakubi b'entongooli, n'edh'abembi, n'edh'abafuuyi b'endere, n'ab'endeka, tidhiriirayo kuwulirwa mu iwe. Mu iwe timulyagaanibwamu kabiri mukozi mukugu wa mulimo gwonagwona, waire okusa kw'olubengo okwirayo okuwulikika.