Amosi 6:3 - Baibuli Ekibono kya Katonda 2014

³ Mukagwireku imwe abatwala olunaku olw'akabi okuba nga lukaali ghala inho, aye bye mukola ni byongera obwongere okuluseesa okumpi.

Amosi 6:3 ပူးပေါင်းရင်းမြစ်များ

Zabbuli 94:20

Iwe tosobola kuba ku luuyi lwa bafuzi babi, abafuulania amateeka, ekibi ni bakyeta ekirungi.

Omulangirizi 8:11

Olw'okuba ekibonerezo ekisalirwa omuntu akoze ekibi tibakigheeragho mangu, abantu kyebava beeyongerera irala okukola ebibi.

Isaia 47:7

Walowoozanga oti oliba inhebantu byanda na byanda, waaloba kutaayo mwoyo na kwidhukira nti buli kintu kiri n'enkomerero.

Isaia 56:12

Bakobagana bati, ‘Mwidhe tufuneyo ku mwenge ogw'emizabbibu tunhweku. Ka twerenge ebitamiiza, n'olwaidho lwona lwidha kuba ng'oti n'olwaleero, era n'okulusingaku.’ ”

Okulira 4:5

Abo abaalyanga ebiiwulo ebigwanira okuliibwa bakyabazinga, buti balambukira ku nguudo edh'ekibuga; n'abo abaakuzibwa ng'abaana b'abakombe, buti obaagaana nga bali kwebuguya ku mmungo dh'ebikaba.

Ezekieli 12:22

“Iwe omuntu, lwaki mu nsi yaimwe Isiraeli mukoba mu nsambo muti, ‘Ebiseera bija nga bibita, aye nga ebyalangibwa mu kubonekerwa ghazira kituukirira.’

Ezekieli 12:27

“Iwe omuntu bona eno, Abaisiraeli bakoba bati iwe by'obona mu kubonekerwa tibyakutuukirira mu nnaku dhino, era mbu by'olanga bya mu biseera biri mberi inho.

Ezekieli 23:42

Olwo ng'owulira amamiro ag'abantu abangi abali mu idembe lyaibwe. Era ghaabaagho n'ebisaadhasaadha ebitamiivu, ebireetebwa okuva eyo mu irungu. Byata obukomo ku mikono gy'abakazi abo, era byata engule edhiboneka obulungi, ku mitwe gyaibwe.

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Amosi 3:9

Mulangirire eri ababa mu bisaagaati mu Ashidodi n'eri ababa mu bisaagaati mu nsi Misiri. Mubakobe muti: “Mwesololeze ku nsozi dha Samaria mubone ebikolwa eby'obukambwe ebitiisa, n'eby'okutuntuzibwa ebikolebwa mu Samaria.”

Amosi 5:12

kuba ndidhi ebibi byaimwe bwe byaga obungi, era naamanha emisango gye mwaiza bwe gyaga obunene. Mudaazadaaza abantu abatuufu, mwalya enguzi. Era mwafuulaniafuulania ensonga edh'abaghafu, mwabasaliriza mu mbuga dh'amateeka.

Amosi 5:18

Mukagwireku, imwe abenda einho olunaku lwa Musengwa Katonda lutuuke! Mulwenda lwaki? Tiruliba lunaku lwa isanhu, aye luliba lwa bizibu.

Amosi 6:12

Embalaasi dhisobola okulumukira ku mabaale ag'oku nsozi? Omuntu asobola okulima mu nhandha n'embago ey'ente? Aye imwe amazima mugafiiremu butwa, n'obutuufu mwabufuulaniafuulania.

Amosi 9:10

Ababi boonaboona baja kwitibwa mu lutalo abo abeekiina nga bakoba bati, ‘Katonda taidha kuganha kibi kyonakyona kututuukaku.’ ”

Mika 6:12

Abakombe mu imwe batuntuza abaavu era mwenamwena mwidhwire buguya.

Matayo 24:48

Aye omugheereza bw'aba mubi n'akoba mule mu mwoyo gwe ati Musengwa we taidha kwira mangu,

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

2 Petero 3:4

nga bakoba bati: “Eyabasuubiza okwira ali gha? Kasookanga badhaadha bafa ebintu byonabyona bikaali nga bwe byali ku kutondebwa kw'ensi!”

Okwolekebwa 18:17

Mu saawa busaawa eti ofiiriirwa eby'obukombe ebyo byonabyona!” N'abakulu ab'amaato, n'abakozi ab'oku maato, n'abantu be bawungula, n'abo boonaboona abakola ku nhandha, balyemerera ghala.