Amosi 6:14 - Baibuli Ekibono kya Katonda 2014

¹⁴ Aye Musengwa Katonda Afuga Amagye akoba ati: “Imwe Abaisiraeli mubone eno, nja kubasindikaku eighanga libalumbe. Lirituntuza abantu okuviira irala ku mwiga Araba okutuuka ku Hamathi.”

Amosi 6:14 ပူးပေါင်းရင်းမြစ်များ

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

2 Bakyabazinga 14:25

Yaghangula yaizaayo ensalosalo ya Isiraeli okuva aghaingirirwa e Hamathi okutuukira irala ku Nhandha Eyomuunhu, nga Musengwa Katonda, Katonda wa Isiraeli bwe yakoba ng'abita mu mugheereza we, omulanzi Yona mutabane wa Amittai ow'e Gathi Heferi.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

Isaia 7:20

“Olunaku olwo bwe lulituuka, Musengwa Katonda alibasala enviiri n'akamwano k'alipangisa okuva ere ng'osomoike omwiga Eufurate oyo nga ni kyabazinga w'e Assiria. Alibasalaku enviiri ku mitwe, n'ebirevu, n'obuviiri obw'oku mibiri gyaimwe.

Ezekieli 47:20

“Ku luuyi olw'e bugwandhuba, Enhandha Eyaghagati n'eriba ensalosalo okuva ku nsalosalo ey'oku luuyi olw'omukono omusaadha olw'e buvandhuba okutuuka aghangirirwa e Hamathi.

Hosea 10:5

Abatyamye ab'omu Samaria balidhugumira olw'okuviibwaku ekifaananie eky'ente ento eky'e Bethaveni. Abantu abakisinza balikiririra amaziga, ni bakabona abagheereza ekisinzibwa ekyo ekitali Katonda, baliwowoola, nga kitooleibwaku ekitiibwa kyakyo.

Amosi 3:11

Kyova abazigu baliidha baazingiza ensi yaibwe, baamenhamenha ebimante byaibwe ebigumu era baanhaga eby'omu ndhu dhaibwe.”