Amosi 6:11 - Baibuli Ekibono kya Katonda 2014

¹¹ Bona eno, Musengwa Katonda bw'aliragira, endhu enkologho n'edho entono dhija kumenhebwamenhebwa dhisigale bumulumulu.

Amosi 6:11 ပူးပေါင်းရင်းမြစ်များ

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Zabbuli 105:16

Bwe yabaleetera endhala okugwa mu nsi mwe baali, n'ababuzaaku kiisi kantu koonakoona akasobola okuliibwa,

Zabbuli 105:31

Yalagira ebikuukuulu by'ensowera n'obudhuuni byabunia ensi yaibwe.

Zabbuli 105:34

Yalagira enzige dhaidha kamaala, nga n'okubalika tidhibalika,

Omulangirizi 10:18

Omugayaavu olw'obutenda kukola, endhu ye etoonha, n'akasolya kaalwa eira kaagwa.

Isaia 13:3

Nze Musengwa Katonda mwene ninze ndagiire abalonde bange, abalwani bange abo ab'amaani mbeese okubonereza abo be nsungughaliire.”

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Amosi 3:15

Nja kuzikiriza endhu dhe babaamu mu biseera eby'ekiinhogogo, ni dhe babaamu mu biseera eby'akasana. Endhu dhe baazimba n'amasanka dhija kusaanagho, n'endhu enkologho dhija kuzikirizibwa.”

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Amosi 6:8

Musengwa Katonda afuga amagye, alayiire ati: “Neesiniirwa okwekuluntaza kw'Abaisiraeli, era endhu dhaibwe edhibeeyagaza tidhiinhoonha naire. Kye ndiva ni mpaayo ekibuga kyaibwe ekikulu n'ebikirimu byonabyona eri abazigu baibwe.”

Amosi 9:1

Nabona Musengwa Katonda ng'ayemereire ku mbali kw'alutaari, era yaalagira ati: “Kuba emitwe egy'empagi edh'eisinzizo okutuusa lwe linaatengeeta. Era menha emitwe egy'empagi edho dhikube emitwe egy'abantu boonaboona. Abo abataafe mu nsambo eyo, ndidha kubasindika bafiire mu lutalo. Ku abo ezira aja kulumukagho waire okuwonagho.

Amosi 9:9

“Ndidha kulagira abazigu bakunguute Abaisiraeli nga bali eyo mu maghanga, ng'oti n'omuntu bw'akunguuta engaano mu kakunguuto, era ezira mubi aja kubitira.

Nahumu 1:14

Kino Musengwa Katonda ky'alagiire ekigema ku imwe Abassiria ati: “Eriina lyaimwe lija kwerabirwa, kuba tija kubaganha kufuna baidhukulu. Nja kuzikiriza ebifaananie eby'emisambwa gyaimwe ebyabaadhibwa, n'ebyo ebyakolebwa mu kyuma ekisaanuusiibwa ebiri mu masabo. Ndidha kubasimira amagombe, kuba timugwaine kuba ku nsi nga muli balamu.”

Zekaria 14:2

Musengwa Katonda akoba ati alisoloza abantu b'amaghanga goonagoona, baalumba Yerusalemu mu lutalo. Balikighangula, baanhagulula ebintu mu mayumba, era baagema abakazi baabakaka. Ekitundu ku bantu baamu balitwalibwa mu bunhage, aye abalisigalagho tibalitoolebwa mu kibuga.

Malaki 1:4

Abantu Abaedomu baidhukulu ba Esau, basobola okukoba bati: “Waire endhu dhaife baadhimenhamenha, tuliiramu twadhizimba twadhiizaagho.” Aye Musengwa Katonda Afuga Amagye akoba ati: “Baleke bazimbe, aye era nja kudhimenhamenha, okutuusa bwe balyetebwa ‘Eighanga ery'abakozi b'ebibi’, era ‘Abantu Musengwa Katonda be yasungughalira okuva eira n'eira, ebyanda n'ebyanda.’ ”

Luka 19:44

Balikusaaniagho iwe n'abantu bo abakulimu era tibalireka ibaale ku liinaalyo kuba tiwamanha lunaku lwa kukukyalira.”