Amosi 6:1 - Baibuli Ekibono kya Katonda 2014

¹ Mukagwireku imwe abali obukalamu mu Sioni! Mukagwireku imwe abawulira emiraala nga muli eyo ku nsozi edh'e Samaria imwe abantu ab'ebitiisa mu ighanga eikologho ery'Abaisiraeli, imwe Abaisiraeli boonaboona ye baidha okunoonia obuyambi.

Amosi 6:1 ပူးပေါင်းရင်းမြစ်များ

1 Bakyabazinga 16:24

Yaagula ku Shemeri olusozi Samaria ebitundu kakaaga (6,000) ebya feeza, yaaluzimbaku ekibuga. Ekibuga ekyo kye yaluzimbaku yaakituuma eriina Samaria, ng'ajiira ku liina lya Shemeri eyali mwene lusozi olwo.

Zabbuli 123:4

Tusiniirwa okuvumibwanga abo abali obukalamu n'okunhoomebwanga abo abeekuluntaza.

Ensambo 1:32

Abazira kye baidhi bafa lwa butenda kugalagirwa, abasiru baazikirira lwa butafaayo.

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Yeremia 2:3

Iwe Isiraeli wali mutukuvu, ng'oli wange ku bwange ng'oti n'ebirime ebisooka okukungulwa. Nga kiisi akugemaku aba aiziiza omusango, era nga mmutuusaaku akabi.’ ”

Yeremia 48:11

Musengwa Katonda yaakoba ati: “Abantu b'omu Moabu buliidho babaire nga baba mu miraala, nga bazira kibeeraliikiriza, era nga tibatwalibwangaku mu bunhage. Bali ng'oti n'omwenge ogw'emizabbibu ogulekeibwa agho okulaala, nga ghazira agulengulula kugutoola mu nsugha eno kugufuka mu yindi. Akawoowo kaagwo nga tikakyukangaku era nga n'obuwoomi bwagwo tibukendeerangaku naire.

Yeremia 49:31

‘Mwidhe tuje, tulumbe abantu abo abawulira mule nga bali mu miraala. Ekibuga kyaibwe kiziraku ndhigi, oba okubaaku ebisiba, oba okubaaku abakikuuma.’

Yeremia 5:5

Ndidha kuja y'abakulembeze ndhogere nabo; kuba abo baidhi Musengwa Katonda by'ayenda, era baidhi amateeka ga Katonda waibwe oyo.” Aye boonaboona aghalala baadheemera Musengwa Katonda, baaloba kuwulira mateeka ge.

Yeremia 7:4

Mulobe kwesiga bino bye mwerimba nabyo nga mukoba muti, ‘Eisinzizo lya Musengwa Katonda lirigho, eisinzizo lya Musengwa Katonda lirigho, eisinzizo lya Musengwa Katonda lirigho.’

Okulira 1:1

Ha, ekibuga ekyaidhulanga abantu kamaala, kyasigalira kweinhamira. Ekibuga ekyateebwangamu ekitiisa ensi yoonayoona, buti kiri ng'oti namwandu! Ekyalinga ng'oti ni muka omufuzi, buti kyafuuka ng'oti mukazi mwiru.

Amosi 3:2

Akoba ati: “Mu maghanga goonagoona agali ku nsi, eryaimwe lyonka lye nalondamu. Ekyo n'ekireetera okwonoona kwaimwe okuba okubi einho, era zeena kyenva ni nteekwa okubabonereza olw'okwonoona kwaimwe okwo.”

Amosi 3:9

Mulangirire eri ababa mu bisaagaati mu Ashidodi n'eri ababa mu bisaagaati mu nsi Misiri. Mubakobe muti: “Mwesololeze ku nsozi dha Samaria mubone ebikolwa eby'obukambwe ebitiisa, n'eby'okutuntuzibwa ebikolebwa mu Samaria.”

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Amosi 8:14

Abo abalayira emisambwa egy'e Samaria nga bakoba bati, ‘Wo katonda ow'e Dani omukulu.’ Oba bati, ‘Wo katonda ow'e Beerisheba omulamu,’ baja kugwa era balobe kwirayo kusituka.”

Amosi 9:10

Ababi boonaboona baja kwitibwa mu lutalo abo abeekiina nga bakoba bati, ‘Katonda taidha kuganha kibi kyonakyona kututuukaku.’ ”

Mika 3:1

Imwe abakulu ab'ebikunsu mu Isiraeli, muwulirise bino: Niimwe abateekwa okumanha abantu bwe bagwaniire okubisibwa mu butuufu.

Zefania 1:12

“Mu kiseera ekyo nja kutoola entaala nje nga ndhagaaza mu Yerusalemu mwonamwona. Nja kubonereza abantu boonaboona abali obulungi abazira kibeeraliikiriza, abakoba mule bati, ‘Musengwa Katonda ghazira ky'aidha kukola, ka kibe ekirungi oba ekibi.’

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

Yakobo 5:5

Ku nsi kuno mubaire mu bulamu obw'okudiibuula n'okwesanhusa. Mugeedheire olunaku lule olw'okwitibwa.

1 Petero 5:7

Mumulekere ebibeeraliikiriza byonabyona, kuba abafaaku inho.

Abalamuzi 18:7

Agho abasaadha abo abataanu baaja, baatuuka e Laishi. Baabona ng'abantu baayo bali miraala ng'oti n'ab'e Sidoni bwe baali. Abantu abo baali baikaikamu, nga tibasuubira muntu yeenayeena kubalumba naire, nga bali na kiisi kye beetaaga era nga bakombe. Baali ghala inho n'Abasidoni, era nga bazira bantu bandi be bakolagana nabo.