Amosi 5:5 - Baibuli Ekibono kya Katonda 2014

⁵ Aye mutaja Betheli kunsinza, kuba kija kuwaagho. Oba okwingira mu Giligali, kuba ab'eyo bwenebwene baja kutwalibwa mu bunhage. Oba waire okuja e Beerisheba okunsinza.”

Amosi 5:5 ပူးပေါင်းရင်းမြစ်များ

Amainhama 21:31

Kyova ekifo ekyo kyayetebwa Beerisheba, kuba eyo bombi ye baalayirira.

Amainhama 21:33

Aburahamu yaasimba omuti omutamarisiki mu Beerisheba, era yaasinziza eyo Musengwa Katonda, Katonda oyo atawaagho.

Amainhama 26:23

Olwava eyo, yaaniinaniina e Beerisheba.

Amainhama 26:33

Ensulo eyo yaagyeta Shiba. Okwo n'okwava ekibuga okutuumibwa eriina Beerisheba, n'okutuusa mpegaano.

1 Bakyabazinga 12:28

Kale kyabazinga Yeroboamu oyo yaalowoolereza inho ku kintu ekyo, era yaamala yaakola ebifaananie eby'ente ento bibiri mu zaabu. Agho yaakoba abantu ati: “Mubairenga nga muja e Yerusalemu okumala ekiseera ekireeyi ekimala. Mubone eno, imwe Abaisiraeli, bano ni bakatonda baimwe abaabatoola mu Misiri.”

1 Bakyabazinga 12:29

Agho yaata ekifaananie eky'ente ento ekindi mu Betheli, n'ekindi yaakita mu Dani.

2 Bakyabazinga 23:8

Yaatoolayo bakabona boonaboona eyo ye baali mu bibuga bya Buyudaaya. Yaayonoona ebifo byonabyona ebigulumivu eby'okusinzizaamu mu ighanga lyonalyona, okuva e Geba okutuuka e Beerisheba, bakabona mwe baaniokezanga obubbaani. Era yaazikiriza ebifo ebigulumivu eby'okusinzizaamu ebyali okumpi n'aghaingirirwa mu mulyango ogwetebwa ogwa Yoshua, eyali omukulu w'ekibuga. Omulyango ogwo gwali ku luuyi olw'omukono omugooda, ng'oli kwingira mu kibuga.

Yobu 8:22

Aidha kuleetera abakukyagha okuswala einho, era asaaniegho endhu edh'abakozi b'ebibi.

Zabbuli 33:10

Amaghanga bwe geekobaana, Musengwa Katonda yaagalemya; abantu bwe bategeka ebyaibwe Musengwa Katonda abitabulatabula.

Isaia 29:20

Abantu abakambwe balimalibwagho, abo abeekuluntaza baakomezebwa, n'abo boonaboona abanhumirwa okukola ebibi baazikirizibwa.

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Yeremia 48:13

Olwo Kemoshi katonda w'Abamoabu, alitoolera okugemya Abamoabu abo ensoni, ng'oti ni Betheli ekifo Abaisiraeli kye beesiganga, bwe kyagemya Abaisiraeli abo ensoni.

Hosea 10:8

Ebifo ebigulumivu ebisinzibwamu ebiri mu Aveni, Abaisiraeli bye bajaamu ni bakola ebibi, birizikirizibwa. Amawa n'enkandwa birimera ku alutaari dhaibwe. Balikoba ensozi bati: “Mutugweku,” baakoba n'obusozi bati: “Mutusandikire!”

Hosea 12:11

Abakozi b'ebibi ab'omu Gileadi, bwenebwene balizikirira. N'alutaari edh'omu Giligali dhe bagheeraku ente enume ng'emisengo, dhirifuuka ng'oti mmungo dha mabaale edhiri mu nimiro.”

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Hosea 9:15

Musengwa Katonda akoba ati: “Baatandiikira Giligali okukola ebibi. Era eyo nze ye natandiikira okubakyagha. Kale ni ndibabinga mu nsi yange olw'ebibi bye bakola. Tiriiramu kabiri kubagonza. Abakulembeze baibwe boonaboona bandheemera.

Amosi 1:5

Era nja kumenha olwigi olwigala ekibuga ekyo Damasiko, nzikirize abantu ababa mu kiiko ekyetebwa Aveni, n'omufuzi ow'e Bethedeni. Abantu ab'e Siria baja kutwalibwa mu nsi Kiri nga banhage.”

Amosi 3:14

Ku lunaku lwe ndibonerezaaku Abaisiraeli olw'ebibi byaibwe, nja kuzikiriza alutaari edh'e Betheli. N'ebintu ebiri ng'oti mayiga ga nsolo ebiba ku nsonda dhaadho nja kubimenhaku mbisuule ku itaka.

Amosi 4:4

Musengwa Katonda akoba ati: “Imwe Abaisiraeli, muje mu kifo ekitukuvu eky'e Betheli mukole ebibi, muje n'e Giligali mweyongere okwonoona. Muleete emisengo buli nkyo era mugheeyo ekintu ekirala ekirala ku buli ikumi bye mufuna buli luvainhuma lwa nnaku isatu.

Amosi 7:10

Agho Amazia kabona ow'e Betheli yaagheereza Yeroboamu, kyabazinga wa Isiraeli obukwenda nga bukoba buti: “Isebantu kyabazinga, Amosi ng'ali ghano mu bwakyabazinga bwo bwene, ali kukola entegeka edh'okubumalagho. By'ali kukoba bija kutabulatabula abantu ab'omu bwakyabazinga buno.

Amosi 7:13

Aye ghano e Betheli otairayo kukoleragho bulanzi bwo, kuba ghano n'aghali ekifo kyabazinga mw'asinziza, era n'aghali eisinzizo ery'obwakyabazinga bwonabwona.”

Amosi 7:17

Musengwa Katonda ali kukukoba iwe Amazia ati, ‘Mukazi wo aidha kuba malaaya mu kibuga, ate batabane bo ni baghala bo babaitire mu lutalo. Eitaka lyo baidha kulipima n'omugugha baligabane, n'iwe mwene baidha kukutwala mu nsi etali nongoofu y'olifiira. Era Abaisiraeli bateekwa okutwalibwa mu bunhage bave mu nsi yaibwe.’ ”

Amosi 7:9

Nja kuzikiriza ebifo ebigulumivu baidhukulu ba Isaaka mwe basinziza. Nja kusaaniagho ebifo eby'Abaisiraeli abo ebitukuvu, era nja kusindika abazigu ku kyabazinga Yeroboamu bamughangule.”

Amosi 8:14

Abo abalayira emisambwa egy'e Samaria nga bakoba bati, ‘Wo katonda ow'e Dani omukulu.’ Oba bati, ‘Wo katonda ow'e Beerisheba omulamu,’ baja kugwa era balobe kwirayo kusituka.”

1 Ab'e Korintho 1:28

Yalonda abo ensi b'etwala nga ba ghansi, nga baziramu mugaso era abanhoomebwa, olwo ayoleke ng'abo ensi b'etwala ng'abalimu omugaso, muzira.

1 Ab'e Korintho 2:6

Waire nkobye ntyo, abo abakuze mu mwoyo mbakobera amagezi, aye nga amagezi ago ti n'ag'ensi eno oba ag'abo ab'obukumu abagifuga, abali n'okuwaagho.

Amateeka Agokubiri 28:41

Mwidha kuzaalanga abaana abalenzi n'abaghala aye timuubenga ghalala nabo, kuba abazigu baimwe baidha kubabatwalangaku mu bunhage.

Yoshua 5:9

Musengwa Katonda yaakoba Yoshua ati: “Olwaleero mbatoireku eriina eibi ery'okwetebwanga abairu ab'Abamisiri.” Ekifo ekyo kwe kyava okwetebwa Giligali, eriina lye bakaakyeta ni ye buli eno.

Okwolekebwa 18:17

Mu saawa busaawa eti ofiiriirwa eby'obukombe ebyo byonabyona!” N'abakulu ab'amaato, n'abakozi ab'oku maato, n'abantu be bawungula, n'abo boonaboona abakola ku nhandha, balyemerera ghala.

1 Samueli 11:14

Agho Samueli yaakoba abantu ati: “Mwidhe tuje e Giligali twizeegho obwakyabazinga.”

1 Samueli 7:16

Buli mwaka yaajanga mu ngobo e Betheli, e Giligali, n'e Mizipa, yaalamuliranga Abaisiraeli mu bifo ebyo.

1 Samueli 8:2

Eriina lya mutabane omuberi nga ni Yoeli ate owokubiri nga ni Abiya, era nga balamuzi mu Beerisheba.