Amosi 5:24 - Baibuli Ekibono kya Katonda 2014

²⁴ Aye muleke amazima gabe ga mwero ng'oti maadhi, n'obutuufu bube ng'oti n'omwiga ogutakala.

Amosi 5:24 ပူးပေါင်းရင်းမြစ်များ

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Isaia 48:18

“Ha, kale ngoli wawulira ebiragiro byange! Wandibaire mu miraala egikuuluula ng'oti mwiga ogutakala, era waaba n'obughanguzi obw'amaani ng'oti kwefuukuula kwa nhandha.

Yeremia 22:3

Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Ezekieli 45:9

Agho Musengwa Katonda yaakoba ati: “Imwe abafuzi mu Isiraeli, mukange agho okutuntuzanga abantu be mufuga n'obukambwe, mukolenga amazima n'ebituufu. Mulekere okubingagania abantu bange mu itaka lyaibwe. Nze Musengwa Katonda ninze nkobye.

Hosea 6:6

Mbendaku okungonzanga obutalekera, aye ti misengo; n'okuumanhanga nze Katonda waimwe, okusinga okumpa ebigheebwayo ebyokebwa.

Amosi 5:23

Mulekere agho okundhasiikanira mbu munhembera. Era tiidha kuwulirisa kuvuga kwa ntongooli dhaimwe.

Amosi 5:7

Abantu imwe mukagwireku, kuba mufuulaniafuulania amazima, obutuufu mwabusuula ere.

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.