Amosi 5:22 - Baibuli Ekibono kya Katonda 2014

²² Ni bwe mumpa ebigheebwayo ebyokebwa, n'ebigheebwayo eby'emere ey'empeke, tiidha kubisiima. Ni bwe mulireeta ensolo dhaimwe empiite ensavu, ni mudhighaayo ng'ebigheebwayo olw'okutabagana, tija kubiringaku naire.

Amosi 5:22 ပူးပေါင်းရင်းမြစ်များ

Zabbuli 116:17

Wo Musengwa Katonda, ndidha kukugheereza omusengo olw'okukusiima, era mpeereze n'okusaba kwange y'oli.

Zabbuli 40:6

Emisengo, n'ebigheebwayo tobyegomba, era tosabangaku bigheebwayo byokebwa byonabyona kuwaagho, waire ebigheebwayo olw'okusoniyisa ebibi. Aye nze wampa amatu okukuwuliranga.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Ensambo 21:27

Musengwa Katonda yeenhinhata emisengo egy'ababi, n'okusingira irala bwe baba nga bagireese n'ekigendererwa ekibi.

Isaia 1:11

Musengwa Katonda oyo akoba ati: “Emisengo gyaimwe olukunkumuli gye mughaayo, nze gingasa ki? Nsiniirwa entaama enume dhe mughaayo, n'amasavu g'ensolo dhaimwe empiite ge mughaayo ng'ebigheebwayo ebyokebwa. Nzira isanhu lye nfuna mu kumpa musaayi gwa nte nume, waire ogw'entaama n'ogw'embuzi enume.

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Yeremia 14:10

Abantu abo Musengwa Katonda abairamu ati: “Abantu bange benda inho okunvaaku, baaloba kwefuga naire. Zeena kyenva ni ntabasiima naire, era ndidha kwegemerera ensobi dhaibwe, mbabonereze olw'ebibi byaibwe.”

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Yeremia 7:21

Musengwa Katonda Afuga Amagye, Katonda wa Isiraeli, akoba ati: “Mutoole ebigheebwayo byaimwe ebyandibaire eby'okwokebwa biweekereregho, mubyongereze ku misengo gyaimwe egindi, byonabyona mubirye.

Abalevi 7:11

“Gano n'amateeka aganaafuganga ekigheebwayo eri Musengwa Katonda olw'okutabagana:

Amosi 5:23

Mulekere agho okundhasiikanira mbu munhembera. Era tiidha kuwulirisa kuvuga kwa ntongooli dhaimwe.

Malaki 1:9

Imwe bakabona, ni bwemweghemba einho Katonda atugemerwe ekivunika, aye nga mumugheereiza ekigheebwayo ng'oti n'ekyo, ghaligho y'anaasiimaku ku imwe waire omulala ati?

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.