Amosi 5:18 - Baibuli Ekibono kya Katonda 2014

¹⁸ Mukagwireku, imwe abenda einho olunaku lwa Musengwa Katonda lutuuke! Mulwenda lwaki? Tiruliba lunaku lwa isanhu, aye luliba lwa bizibu.

Amosi 5:18 ပူးပေါင်းရင်းမြစ်များ

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 24:18

Ole alirumuka n'awona entiisa, aligwa mu lwina. Ate ole aligezaaku n'ava mu lwina, aligwa bwa ku mutego gwamugemya. Ebituli eby'oku igulu biigule, kale amaadhi galiyuyika okuva ku igulu, n'emisingi gy'ensi gyatengeeta.

Isaia 5:19

Bakoba bati: “Musengwa Katonda atere ayanguyeeku by'akola tusobole okubibona; Omutukuvu wa Isiraeli oyo akole mangu by'ategeka tusobole okubimanha.”

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Isaia 8:22

oba ni balinga ghansi ku itaka, tibalibona kintu kindi naire, okutoolaku enaku n'enzikiiza etiisa, egemye bedimudimu, era mu yeene eyo mwe balibabingira.

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 17:15

Abantu bankoba bati: “Musengwa Katonda bye yatwesoomera okutukola biri gha? Ka bituukirire tubone!”

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Ezekieli 12:22

“Iwe omuntu, lwaki mu nsi yaimwe Isiraeli mukoba mu nsambo muti, ‘Ebiseera bija nga bibita, aye nga ebyalangibwa mu kubonekerwa ghazira kituukirira.’

Ezekieli 12:27

“Iwe omuntu bona eno, Abaisiraeli bakoba bati iwe by'obona mu kubonekerwa tibyakutuukirira mu nnaku dhino, era mbu by'olanga bya mu biseera biri mberi inho.

Yoeli 1:15

Tukagwireku! Olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Yoeli 2:10

Bwe dhiba dhiidha, ensi yeesunda n'eigulu lyatengeeta. Endhuba n'omwezi biirugala, n'emuunienie dhaalekera okwaka.

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Yoeli 2:31

Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Obadia 1:15

“Olunaku luli kumpi kutuuka, nze Musengwa Katonda lwe ndisalira amaghanga goonagoona omusango. Edomu, kye wakola baino weena baidha kukikukola. Kiisi kibi kye wakola kija kusasulwamu ekibi.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.

2 Petero 3:10

Aye olunaku lwa Musengwa luliidha ng'oti mwibi, era olwo eigulu liriwaagho nga liduma inho. Eby'oku igulu birisaanuuka n'omuliro, era ensi n'ebigiriku byonabyona biriya omuliro byasiriira.

2 Petero 3:4

nga bakoba bati: “Eyabasuubiza okwira ali gha? Kasookanga badhaadha bafa ebintu byonabyona bikaali nga bwe byali ku kutondebwa kw'ensi!”