Amosi 5:1 - Baibuli Ekibono kya Katonda 2014

¹ Imwe Abaisiraeli muwulire nze Amosi bwe ndi kubembamu olwembo olw'okubalira:

Amosi 5:1 ပူးပေါင်းရင်းမြစ်များ

Yeremia 18:13

Musengwa Katonda akoba ati: “Mubuuze amaghanga goonagoona oba nga ekintu ng'oti n'ekyo kyali kibaireghooku. Abaisiraeli bakoze ekintu ekitiisa einho!

Yeremia 7:29

“Imwe abantu b'e Yerusalemu, musaleku enviiri dhaimwe mudhisuule ere; mulirire eyo ku nsozi edhiziraku kantu, kuba nze Musengwa Katonda nsungughaire era ndekuliire agho abantu bange.

Yeremia 9:10

Nze Yeremia naakoba nti: “Ndidha kulira amaziga nga ndirira ensozi, era mpowoole olw'ebyayiro ensolo mwe dhiriira; kuba bikaze era biziramu muntu abibitamu naire. Tokaawulira nte nga dhimooleramu. Enhonhi n'ensolo edh'omu nsiko dhaalumukamu dhaaja.”

Yeremia 9:17

Musengwa Katonda Afuga Amagye akoba ati: “Mudhuubirize ku bibairegho! Mwetese abakazi abalira baidhe, abo abaidhi okugegenga obukalamu.”

Yeremia 9:20

Nze naakoba nti: “Bakazi imwe, muwulire ebibono bya Musengwa Katonda, era mwetegereze by'akoba. Mwegerese baghala baimwe okulira amaziga, era buli muntu ayegerese mwine okugegenga;

Yeremia 9:9

Nze Musengwa Katonda nkoba nti, nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?”

Ezekieli 19:1

Agho Musengwa Katonda yankoba nhembere abakulembeze ba Isiraeli olwembo luno olw'enaku,

Ezekieli 19:14

Enduli y'omuzabbibu ogwo yaagema omuliro, omuliro ogwo gwayokya ensaga dhaagwo n'ebibala byaku. Tigukaaliku nsaga ngumu dha kutema kukolamu miigo gya bwakyabazinga. Olwo n'olwembo olw'enaku, era baidha kulwembanga buli kaakyeire.

Ezekieli 26:17

Balirira amaziga ku lulwo nga bakoba bati: Wo, ozikiriire iwe ekibuga ekibaire ekimanhifu einho. Iwe owalinga n'amaato ag'amaani ku nhandha. Iwe n'abatyamye bo mwaleeteranga abantu abasaabala ku maadhi okutya okw'amaani!

Ezekieli 27:2

“Iwe omuntu, yemba olwembo olw'enaku ku lw'ekibuga Tiro,

Ezekieli 28:12

“Iwe omuntu, lira amaziga ku lwa kyabazinga wa Tiro, omukobe oti nze Musengwa Katonda ndi kumukoba nti: Wali kya kuboneraku eky'omuntu atuukiriire, ng'oidhwire amagezi era ng'oli mulungi inho mu mboneka.

Ezekieli 32:16

“Okulira okwo kulifuuka lwembo, abakazi ab'omu maghanga baalwembanga okulira Misiri n'abantu baamu boonaboona. Nze Musengwa Katonda ninze nkobye.”

Ezekieli 32:2

“Iwe omuntu, lira amaziga kulwa kyabazinga wa Misiri, omukobe oti: Weebisa ng'oti mpologoma mu maghanga, aye nga bwene oli ng'oti ngoina mu maadhi. Otuumira mu maadhi waagataabuulataabuula n'ebigere byo, waasiikuulasiikuula emiiga.

Amosi 3:1

Imwe Abaisiraeli abantu Musengwa Katonda be yatoola mu Misiri, muwulire Musengwa Katonda oyo by'aboogeireku.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 5:16

Kale ni Musengwa Katonda Afuga Amagye kyava n'akoba ati: “Ghalibaagho okuwowoola mu mpya edh'ekibuga, ni mu nguudo dhaakyo dhoonadhoona, ng'abantu balira bati, ‘Woowe! Woowe!’ Abalimi ghalala n'abo abakola ogw'okugegenga, balyetebwa okukuba empungu n'okuwowoola.

Amosi 8:14

Abo abalayira emisambwa egy'e Samaria nga bakoba bati, ‘Wo katonda ow'e Dani omukulu.’ Oba bati, ‘Wo katonda ow'e Beerisheba omulamu,’ baja kugwa era balobe kwirayo kusituka.”

Mika 2:4

Olunaku olwo bwe lulituuka, abantu balibayiiyaamu olwembo olw'okubayeeyereza, era beeriza amaziga nga bakoba bati: Ee, ebintu nga bitufiiririire! Musengwa Katonda atutoireku eitaka lyaife, yaaligabira abo abaatutwala mu bunhage.”